ساياساتكەر عالىمجان جاقيانوۆ مارقۇم التىنبەك سارسەنباي ۇلىنىڭ ولىمىنە قاتىستى شىندىق نەگە اشىلماي جاتقانىن ايتتى، - دەپ حابارلايدى Dalanews.kz.
جاقيانوۆ التىنبەك سارسەنباي ۇلىنىڭ ولىمىنە قاتىستى شىندىق ءالى كۇنگە دەيىن اشىلماعانىن ايتتى.
"كەشە التەكەڭنىڭ قازا بولعانىنا 18 جىل تولدى. ءالى كۇنگە دەيىن شىندىق اشىلمادى، تاريحي ادىلەت ورنامادى. اقوردا ءىستى قايتا تەرگەۋگە تالپىنىپ وتىرعان جوق. قوعام مەن زيالى قاۋىم تاراپىنان، مەديادا بيلىككە ءىستى قايتا قاراۋ تۋرالى تالاپ قويۋ بايقالمايدى. دەسە دە ازاتتىق راديوسى "التىنبەكتى كىم اتتى؟"، "كىم اتتىردى؟" دەگەن سۇراققا جاۋاپ ىزدەۋ ۇمتىلىسىن تۇراقتى جاساپ كەلەدى. سول تالپىنىستى ازاتتىق رەداكسياسى بيىل دا جاسادى. جۋرناليست ماناس قايىرتايۇلىمەن التىنبەك سارسەنباي ۇلىنىڭ ولىمىنە قاتىستى جايتتاردى جاقىندا تالقىلاعان ەدىك.
2013 جىلى بوستون قالاسىندا اقش فەدەرالدىق تەرگەۋ بيۋروسى (FBI) اگەنتتەرىمەن كەزدەسكەنمىن. التىنبەكتىڭ قازاسى جايلى اڭگىمە بولعان. سول كەزدەسۋدەن تۇيگەنىم – "فبر" وسى قىلمىستى جان-جاقتى زەرتتەپ، ناتيجەسىن قازاقستانعا تاپسىرعان.
فوتو: Facebook"التەكەڭ اۆتوريتارلىق بيلىك ەلىمىزدىڭ كوسەگەسىن كوگەرتپەيتىنىن جاقسى ءبىلدى. سول ءۇشىن دە ادىلەتسىز ساياسي جۇيەگە قارسى تۇردى. سول جولدا شەيىت بولدى. قازىرگى جاعدايدا نازاربايەۆ تۇسىنداعى ساياسي ولىمدەردى قايتا قاراماي، التەكەڭنىڭ اتىن مەكتەپكە بەرىپ، زاكەڭە (زامانبەك ءنۇرقادىلوۆ) ەسكەرتكىش تۇرعىزىپ، ولاردىڭ تاۋەلسىز قازاقستان تاريحىنداعى ورنىنا ادىلەتتى باعا بەرىلۋى مۇمكىن ەمەس. شىندىقتى بىلەتىن كۋاگەرلەر فاكتىنى ايتۋدان ءالى دە قورقادى. بۇل قازاقستانداعى اۆتوريتارلىق جۇيەنىڭ وزگەرىسسىز قالعانىن كورسەتەدى. ەلدە شىنايى ساياسي وزگەرىس بولعان كەزدە عانا زاكەڭ مەن التەكەڭە بايلانىستى قىلمىستار اشىلىپ قۇقىقتىق، ساياسي جانە تاريحي باعا بەرىلەدى. سوندا عانا ادىلەتتىككە جول اشىلدى دەپ ايتا الامىز. ونداي زامان ازاماتتىق قوعامنىڭ بەلسەندى قاتىسۋىنسىز كەلۋى مۇمكىن ەمەس"، - دەيدى عالىمجان جاقيانوۆ.
ەدىل ابىكەنوۆ وسى وقيعادان كەيىن 5 ارىپتەسىمەن بىرگە سوتتالعان، ءوزى تۇرمەدە 12 جىل وتىرىپ شىقتى. سونداي-اق ول التىنبەك سارسەباي ۇلىنىڭ ىسىنە قاتىستى ايتىلماعان دۇنيەلەر ءالى دە كوپ ەكەنىن جانە جاقىن ۋاقىتتا ول اشىق جاريا بولمايتىنىن جەتكىزدى.
