Oblys mektepterindegi tamaqtaný sapasyn baqylaý maqsatynda qurylǵan vedomstvoaralyq saraptamalyq top óz jumysyn qaita jalǵastyrýda. Arnaiy top: qalalyq máslihat ókilderi, ata-analar qoǵamdastyǵynyń músheleri, bilim bólimi qyzmetkerleri, sanitarlyq-epidemiologiialyq qyzmet mamandary jáne úkimettik emes uiymdardyń ókilderinen quralǵan. Saraptamalyq toptyń jumysyna sáikes búginge deiin 15 mektep tekseristen ótken.
- Abai oblysynda qazirgi tańda mektepterde vedomstvoaralyq komissiia jumys atqarýda. Iaǵni, barlyq mektepterdiń ashanalaryna tekseris júrip jatyr. Qazirgi ýaqytta oblysta 65 mektep tekserildi, onyń ishinde Semei qalasy boiynsha 15 mektep tekseristen ótti. Tekseris mektep ashanalarynyń bekitilgen mázirine sáikes tamaqtanýyna, azyq-túlik pen daiyn ónimderdiń maqsatty túrde paidalanýyna, olardyń sapasyna bailanysty júrgizilýde. Ótkizilgen tekseris nátijeleri boiynsha talap buzushylyqtar bolmady. Alaida monitoring barysynda as bloktarynda, jergilikti jerlerde sanitariialyq talaptar saqtalmaǵan buzýshylyqtardy joiý maqsatynda komissiia músheleri ózderiniń usynystaryn bildirdi, - dep atap ótti Abai oblysy bilim basqarmasynyń mektepke deiingi, jalpy orta bilim berý bóliminiń basshysy Makiia Ámirhanova.
Qazirgi kúni óńir boiynsha 275 mektepte as blogy, tamaqtaný zaldary bar (91 %). Sonymen qatar internatyq turmyspen 3 oblystyq mektepte (BIL, MMMI, Jas Ulan) as bloktary bar, ystyq tamaq uiymdastyrylǵan. 23 shaǵyn jinaqty mektepterde (Semei q., Aqsýat, Aiagóz, Borodýliha, Jarma, Kókpekti, Úrjar aýd.) ashana joq. Atalǵan máseleni sheshý maqsatynda bul mektepterde oqýshylardyń tamaqtanýyna beiimdelgen kabinetter daiyndalyp, 362 oqýshyǵa 20 mektepte keiteringtik qyzmetter arqyly tegin ystyq tamaq uiymdastyrylsa, 8 mektepte keiteringtik býfettik tamaqtaný jaǵdaiy qarastyrylǵan.
- Mektep oqýshylarynyń ratsionyn normalarǵa sáikes keltirý maqsatynda 2024 jyly jergilikti biýdjetten tegin tamaqtandyrýǵa qosymsha qarajat bólinip, oblys boiynsha tegin tamaqtandyrýdyń ortasha quny 620 teńgege (2023 jyly - 565 tg.), býfettik tamaqtandyrýdyń quny 430 teńgege (2023 jyly – 384 tg.) ózgergen. Bul tamaqtaný qunyna mekteptegi bir rettik tamaqtandyrý normalaryna sáikes ónimder kiredi. Bir rettik tegin tamaqpen 54 594 oqýshy (5,5 mlrd. teńge bólindi), onyń ishinde 1-4 synyptyń 40 491 oqýshysy, 5-11 synyp aralyǵyndaǵy áleýmettik osal top sanatynan shyqqan 14103 oqýshy qamtamasyz etilýde, - deidi Makiia Ámirhanova.
Sapaly teńdestirilgen tamaqtandyrýdy uiymdastyrý maqsatynda oblystyq Bilim basqarmasy tarapynan bilim berý uiymdaryndaǵy balalardyń tamaqtaný standarttary qaralyp, baqylanýda. Óńirlerde shyǵarylatyn otandyq ónimderdi paidalana otyryp, as mázirin ázirleýge qatysty qaǵidalar men brakerajdyq komissiialardyń, vedomstvoaralyq saraptamalyq toptardyń músheleri úshin monitoring toptary qyzmetiniń tártibi týraly zańnamalyq normalar basshylyqqa alynǵan. Sondai-aq qalalyq/aýdandyq bilim bólimderinen 10 vedomstvoaralyq saraptamalyq top jumys isteidi.
- Búgingi tańda Semei qalasynyń jalpy orta bilim beretin mektepteriniń basty maqsaty bilim alýshylardyń mektepte jailylyqty sezine alýy. Osy turǵyda biz monitoringtik toppen birlese otyryp, as mázirine tekseris jumystaryn júrgizip jatyrmyz. Dál qazir jalpy orta bilim beretin №18 mektepte monitoring sharalary júrgizilýde. Negizgi dúnie balalardyń tutynyp jatqan as máziri, onyń tabiǵilyǵy jáne sanitariialyq talaptarǵa sai ekendigi mańyzdy. Saraptamalyq toptyń jumysy aldaǵy ýaqytta barlyq mektepte jalǵaspaq,- dep atady Monitoringtik toptyń múshesi Almas Aitmuqash.
