2024 jyldyń 18 cáýirinde Abaı atyndaǵy QazUPÝ «Abaı Álemi» kóktemgi merekelik kezeńderi aıasynda qazaq kúresinen joǵary oqý oryndary stýdentteri arasynda respýblıkalyq «Abaı barysy-2024» týrnırin uıymdastyrdy, – dep habarlaıdy Dalanews.kz.
Týrnırge Qoja Ahmet Iasaýı atyndaǵy Halyqarlyq qazaq-túrik ýnıversıteti (Túrkistan qalasy), Qorqyt ata Qyzylorda atyndaǵy memlekettik ýnıversıteti (Qyzylorda qalasy), M.Áýezov atyndaǵy Ońtústik Qazaqstan ýnıversıteti (Shymkent qalasy), Sherhan Murtaza atyndaǵy Halyqaralyq Taraz ınovasıalyq ınstıtýty (Taraz qalasy), Muhammed Haıdar Dýlatı atyndaǵy Taraz óńirlik ýnıversıteti (Taraz qalasy), İ.Jansúgirov atyndaǵy Jetisý memlekettik ýnıversıteti (Taldyqorǵan qalasy), L.N.Gýmılev atyndaǵy Eýrazıa ulttyq ýnıversıteti (Astana qalasy), Ál-Farabı atyndaǵy Qazaq ulttyq ýnıversıteti (Almaty qalasy), Narhoz ýnıversıteti (Almaty qalasy), Qazaqstan-Brıtan tehnıkalyq ýnıversıteti (Almaty qalasy), Q.I.Sátbaev atyndaǵy Qazaq ulttyq tehnıkalyq zertteý ýnıversıteti (Almaty qalasy), Qazaq bas sáýlet-qurylys akademıasy (Almaty qalasy), Sýleıman Demırel atyndaǵy Ýnıversıtet (Almaty qalasy), Qazaq sport jáne týrızm akademıasy (Almaty qalasy), Qazaq ulttyq agrarlyq zertteý ýnıversıteti (Almaty qalasy), Halyqaralyq aqparattyq tehnologıalar ýnıversıteti (Almaty qalasy) komandalary qatysty.
Búginde Prezıdentimiz Qasym-Jomart Toqaevtyń tapsyrmasy boıynsha jastar men jasóspirimder arasynda sportty damytý, sportpen shuǵyldanatyn adamdar sanyn kóbeıtý jumystary shırap keledi. Memleket basshysy Qazaqstan halqyna arnalǵan dástúrli Joldaýynda únemi «Sportpen turaqty túrde aınalysý – ult densaýlyǵynyń ajyramas bóligi» ekenin nyq atap, kórsetip keledi. Búgingi ótken qazaq kúresinen Respýblıkalyq týrnırdiń de maqsaty osynda. Ulttyq qazaq kúresin jastar arasynda damytý jáne nasıhattaý. Stýdent jastardy salaýatty ómir saltyna baýlý.
Qazaq kúresinen joǵary oqý oryndary stýdentteri arasyndaǵy «Abaı barysy-2024» respýblıkalyq týrnıriniń saltanatty ashylýyna Abaı atyndaǵy QazUPÝ-dyń Apparat basshysy Janatbek İshpekbaev, áleýmettik damý jónindegi prorektor Maqsat Jaqaýov, «Dene shynyqtyrý jáne sport» kafderasynyń oqytýshysy Erlan Temirhanov, QR eńbek sińirgen jattyktyrýshysy, 3 dúrkin Azıa jáne álem chempıony - Baýyrjan Tálip, Qazaq kúresinen halyqaralyq dárejedegi sport sheberi Azıa jáne álem chempıony - Abzal Arystanbekov, QR eńbek sińirgen jattyqtyrýshysy, halyqaralyq dárejedegi joǵary ulttyq tóreshi - Erlan Imanǵalıev, Qazaq kúresinen halyqaralyq dárejedegi sport sheberi Azıa jáne álem chempıony Qazaqstan Ulttyq qurama komanda bas bapkeri - Ǵanı Keldiqulov qatysty.
Kil myqtynyń ishinen shyn myqtyny anyqtaıtyn týrnırge joǵary ulttyq dárejeli tóreshiler: Saıdaqov Erkin, Iralına Mıra, Hamıtov Jangeldi, Belgibaev Erjan, Qapparov Azız, Kúnesbaı Tólegen, Imanǵalıev Erlan, Maǵaýınov Ernar, Arystanbekov Abzal, Ibragımov Bolatbek tórelik etti.
Týrnırdiń nátıjesinde:
I oryndy Abaı atyndaǵy QazUPÝ-dyń 3-kýrs stýdenti Eskendir Jandos alyp (500 000 teńge), «Abaı barysy-2024» atandy;
II oryndy Narhoz ýnıversıtetiniń stýdenti Jospar Oljas aldy (300 000 teńge);
III oryndardy ál-Farabı atyndaǵy QazUÝ stýdenti Orazaev Serikhan men Qazaq sport jáne týrızm akademıasynyń stýdenti Ábilmajınov Ǵıbrat ıelendi (200 000 teńge).
Saıys qatysýshylary men júldeli oryn ıegerleri Basqarma tóraǵasy–rektor Bolat Tileptiń arnaıy dıplomdary jáne syıaqylarymen marapattaldy.
