Elordada «Taza Qazaqstan: Astana – tazalyq pen tártiptiń úlgisi» atty aýqymdy ekologiialyq aktsiiasy ótýde. Osy apta ekoaktsiia «Kieli meken» uranymen ótip, Astanadaǵy tarih jáne mádeniet eskertkishteriniń aýmaǵyn abattandyryldy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Bul jolyq ekoaktsiiaǵa qaladaǵy mádeniet uiymdary qyzmetkerleri, máslihat depýtattary, oqýshylar men stýdentter, sportshylar, «Jas sarbaz» qozǵalysynyń stýdentteri, Aýǵan soǵysy ardagerleri, memlekettik mekeme qyzmetkerleri belsene qatysty.
Ekologiialyq aktsiia aiasynda mádeni mura nysandarynyń qasbetterin, eskertkishter men irgeles aýmaqtardy retke keltirý boiynsha tazalyq jumystary júrgizýde.
Aitalyq, búgin tań erteńnen bastap Astanadaǵy mádeniet uiymdarynyń qyzmetkerleri men «Jas sarbaz» patriottyq qozǵalysynyń stýdentteri Saryarqa dańǵylynda ornalasqan Keńes Odaǵynyń batyry, aty ańyzǵa ainalǵan ushqysh Talǵat Begeldinovtiń eskertkishine jáne ainalasyna tazalyq jumystaryn júrgizdi.
«Jas sarbaz» balalar men jasóspirimder áskeri-patriottyq qozǵalysynyń Astana qalasy boiynsha filialynyń tóraǵasy Ashat Nalshybektiń aitýynsha, ekoaktsiia óskeleń urpaqtyń boiyna jaqyndaryna degen qamqorlyq, qurmet sezimin qalyptastyrýdyń úlgisi bolyp sanalady. Sharaǵa bári 50-den astam jas sarbaz jaýyngeri qatysqan.
– Biz bul aktsiiany qalamyzdyń barsha turǵyndaryna úndeý retinde ótkizip jatyrmyz. Biz jastardy, eriktilerdi jáne barlyq múddeli adamdardy Astanamyzdyń aýlalary men kóshelerin qoqystan tazartýǵa jáne ekologiialyq jaǵdaiyn jaqsartýǵa shaqyramyz. Jumys erteń de jalǵasady, ár apta belgili bir taqyrypqa arnalady, – dedi Ashat Nalshybek.
«Kieli meken» aptalyǵy bastalǵaly 40-tan astam eskertkish tazartyldy. Elordada barlyǵy 117 eskertkish bolsa, onyń 46-sy – memleket qorǵaýynda.
Bes aptaǵa sozylatyn ekologiialyq sharanyń belgili bir taqyrypqa arnalǵan. Bul apta «Kieli meken» dep atalady. «Jasyl aimaq» dep atalatyn úshinshi apta aǵash otyrǵyzý men kóshetterdi ákteý kózdelgen. 4 mamyrǵa deiingi ýaqyt – «Ónegeli urpaq» dep atalady. Bul aptalyq ardagerler turatyn aýlalar men qarttar úiiniń aýmaǵyn tazalaýǵa jáne abattandyrýǵa baǵyttalady. Al «Móldir bulaq» dep atalatyn sońǵy besinshi aptada ózen-kólderdiń mańaiy qoqystan tazartý josparlanyp otyr.
