Taǵy 12 myńnan astam qazaqstandyq "Naýryz" turǵyn úi baǵdarlamasynyń qatysýshysy atandy. Ótinish berýshiler men jańa turǵyn úi baǵdarlamasyna qatysýshylardyń tolyq tizimi Otbasy bankiniń resmi saitynda jariialandy, dep habarlaidy Dalanews.kz.
Barlyǵy 34 745 ótinim óńdeldi. Onyń árbir úshinshisi qatysýshylar tizimine endi.
"Naýryz" baǵdarlamasyna qatysýshylar 2025 jyldyń 10 sáýirinen 16 mamyrǵa deiingi ýaqyt aralyǵynda Otbasy bankine kredittik ótinim berýi tiis. Eger baǵdarlamaǵa qatysýshy zaem boiynsha oń maquldaý alsa, onda onyń baspana taýyp, ony satyp alýǵa 6 ai ýaqyty bolady. Qatysýshylardy irikteý baldyq júie boiynsha avtomatty túrde júrgizildi», dep naqtylaidy banktegiler.
Upailar qalai esepteledi?
- salym boiynsha syiaqy mólsheri - árbir 1 000 teńge úshin 1 upai;
- tirkelgen nekeniń bolýy - 5 upai;
- balalardyń bolýy - 10 upai (balalar sanyna qaramastan);
- halyqtyń áleýmettik osal toptary (HÁOT) mártebesiniń bolýy - 10 upai;
- 35 jasqa deiingi jas (qosa alǵanda) – 5 upai.
"Naýryz" baǵdarlamalarynyń sharttary:
- alǵashqy jarna: taza árleýdegi turǵyn úi satyp alý kezinde 10%-dan jáne árlenbegen nemese qaitalama naryqtaǵy turǵyn úi satyp alý kezinde 20%-dan bastap;
- turǵyn úi kezeginde turǵan azamattardyń áleýmettik osal sanattary úshin kredit boiynsha mólsherleme - 7% (JTSM 7,1%-dan 9,6% deiin);
- azamattardyń barlyq sanattary úshin kredit boiynsha mólsherleme - 9% (JTSM 9,4%-dan 13% deiin);
- nesie merzimi - 19 jylǵa deiin.
"Naýryz" baǵdarlamasy aiasynda turǵyn úi satyp alý boiynsha kelesi sharttar usynylady:
- alǵashqy naryqtaǵy onyń ishinde QTK kepildigimen úlestik qatysý sharty bar turǵyn úi;
- monoqalalar men aýyldyq eldimekenderdegi qaitalama naryqtaǵy turǵyn úi, bir jylǵa bólingen qarajattyń jalpy kóleminiń 30%-nan aspaýy shart.
Zaemnyń eń joǵarǵy mólsheri:
- Astana men Almaty qalalary úshin - 36 mln teńgege deiin.
- qalǵan óńirler úshin – 30 mln teńgege deiin.
Sondai-aq, bir nesie sharty aiasynda satyp alynǵan bastapqy turǵyn úidi jóndeýge aqsha alýǵa da bolady. Jóndeýge arnalǵan qaryz somasy turǵyn úi satyp alýǵa arnalǵan kredittiń jalpy somasynyń 20%-nan aspaýǵa tiis.
"Baǵdarlamaǵa qatysýshy Baspana market portalynan (otbasybank.kz) bastapqy turǵyn úidi tańdap, brondap, satyp ala alady. Bul optsiia baǵdarlamanyń júzege asýy aiasynda turǵyn úi baǵasynyń jasandy ósýine jol bermeýge arnalǵan", dep naqtylaidy banktegiler.
Atalmysh platformaǵa ornalastyrylmastan buryn árbir nysan turǵyn úidiń aǵymdaǵy naryqtyq baǵasy negizinde qunyn kelisý protsesinen ótedi. Eger ol naryqqa sáikes kelse, onda osy nysannyń qurylys salýshysymen 1 sharshy metrge baǵany belgilei otyryp, turǵyn úidi satý týraly kelisim jasalady.
Aita ketsek, 2024 jyly "Otaý" jáne "Naýryz" baǵdarlamalary boiynsha 10 249 qazaqstandyq otbasy qonys toiyn toilaǵan.
Buǵan deiin Otbasy banki ónerkásip, energetika, kólik, aýyl sharýashylyǵy jáne sý resýrstary salalarynyń qyzmetkerleri úshin "Naýryz jumysker" jańa turǵyn úi baǵdarlamasyn iske qosqanyn habarlaǵan bolatyn. "Naýryz jumysker" "Naýryz" turǵyn úi baǵdarlamasynyń bir bóligi bolyp tabylady. 2024 jyldyń qorytyndysy boiynsha baspana alamyn dep aqsha jinap júrgen 2 134 279 qazaqstandyq memlekettik syiaqy ala alady. Onda da Otbasy banktiń árbir tórtinshi salymshysy 147 680 teńge kólemindegi eń joǵary syiaqyǵa ilindi. 200 AEK-ten aspaityn jinaq somasyna 20% mólsherinde memleket syiaqy esepteledi. 2024 jyly 1 AEK 3 692 teńge boldy. Bul yntalandyrýǵa jatatyn maksimaldy soma 738 400 teńgeni quraidy degendi bildiredi.
