«Jasandy intellekt dáýiri: Baspa isi, media jáne dizain» – I Halyqaralyq kóktemgi mektep Ál-Farabi atyndaǵy QazUÝ-da ótedi.
2025 jyldyń 17-18 sáýirinde Ál-Farabi atyndaǵy Qazaq ulttyq ýniversiteti jýrnalistika fakýltetiniń «Baspagerlik-redaktorlyq jáne dizainerlik óner» kafedrasy Ulttyq kitap kúnine orai «Jasandy intellekt dáýiri: Baspa isi, media jáne dizain» atty I Halyqaralyq kóktemgi mektep uiymdastyrady.
Resmi seriktester: QR Ulttyq kitap palatasy, Qazaqstan dizainerler odaǵy, «Qazaq Gazetteri» JShS, «Túrkitildes jýrnalister qory» QQ, «Shalqar» radiosy.
Aýqymdy sharaǵa Qazaqstan men shetelden (Bangladesh, Ázirbaijan, Tájikstan, Qytai, Mońǵoliia, Resei) kelgen stýdentter, magistranttar, doktoranttar, JOO oqytýshylary, BAQ ókilderi men baspa salasynyń mamandary qatysady. Kóktemgi mektep aiasynda halyqaralyq uiym ókilderi men salanyń tanymal mamandary sheberlik synyptar ótkizedi.
Kýrs spikerleri qatarynda QR Ulttyq kitap palatasynyń direktory Ádil Qoitanov, «Atamura» korporatsiiasynyń prezidenti Raqymǵali Qul-Muhammed, jýrnalist Qainar Oljai, «Mazmundama» baspasynyń direktory Shyńǵys Muqan jáne ózge de media, baspa, dizain salasynyń bilikti mamandary bar. Qatysýshylarǵa 72 saǵattyq sertifikat beriledi.
Kóktemgi mekteptiń negizgi baǵyttary — media mátindi redaktsiialaý tehnologiialary, mediadizaindaǵy jańashyldyq, kitap indýstriiasyndaǵy jasandy intellekt, faktcheking jáne aqparatty verifikatsiialaý, mediaetika jáne mediasaýattylyq, Digital jýrnalistika.
Kóktemgi mektep barysynda, jazýshy, baspager, etnograf Zeinolla Sániktiń 90 jyldyǵyna arnalǵan dástúrli «Sánik oqýlary» aiasynda stýdentter men magistranttar arasynda respýblikalyq baiqaý ótedi. Baiqaý jeńimpazdaryna Zeinolla Sánik atyndaǵy arnaiy shákirtaqy tabystalady.
Baiqaýǵa materialdar 2025 jyldyń 13 sáýirine deiin qabyldanady. Baiqaý qorytyndysy 15 sáýirde jariialanady.
Ádemi Musabek,
Temirbek Júrgenov atyndaǵy Qazaq Ulttyq Óner akademiiasy, Mediajýrnalistika mamandyǵynyń 3-kýrs stýdenti.
