«جاساندى ينتەللەكت دەۋٸرٸ: باسپا ٸسٸ, مەديا جەنە ديزاين» – ٸ حالىقارالىق كٶكتەمگٸ مەكتەپ ەل-فارابي اتىنداعى قازۇۋ-دا ٶتەدٸ.
2025 جىلدىڭ 17-18 سەۋٸرٸندە ەل-فارابي اتىنداعى قازاق ۇلتتىق ۋنيۆەرسيتەتٸ جۋرناليستيكا فاكۋلتەتٸنٸڭ «باسپاگەرلٸك-رەداكتورلىق جەنە ديزاينەرلٸك ٶنەر» كافەدراسى ۇلتتىق كٸتاپ كٷنٸنە وراي «جاساندى ينتەللەكت دەۋٸرٸ: باسپا ٸسٸ, مەديا جەنە ديزاين» اتتى ٸ حالىقارالىق كٶكتەمگٸ مەكتەپ ۇيىمداستىرادى.
رەسمي سەرٸكتەستەر: قر ۇلتتىق كٸتاپ پالاتاسى, قازاقستان ديزاينەرلەر وداعى, «Qazaq Gazetteri» جشس, «تٷركٸتٸلدەس جۋرناليستەر قورى» قق, «شالقار» راديوسى.
اۋقىمدى شاراعا قازاقستان مەن شەتەلدەن (بانگلادەش, ەزٸربايجان, تەجٸكستان, قىتاي, موڭعولييا, رەسەي) كەلگەن ستۋدەنتتەر, ماگيسترانتتار, دوكتورانتتار, جوو وقىتۋشىلارى, باق ٶكٸلدەرٸ مەن باسپا سالاسىنىڭ ماماندارى قاتىسادى. كٶكتەمگٸ مەكتەپ اياسىندا حالىقارالىق ۇيىم ٶكٸلدەرٸ مەن سالانىڭ تانىمال ماماندارى شەبەرلٸك سىنىپتار ٶتكٸزەدٸ.
كۋرس سپيكەرلەرٸ قاتارىندا قر ۇلتتىق كٸتاپ پالاتاسىنىڭ ديرەكتورى ەدٸل قويتانوۆ, «اتامۇرا» كورپوراتسيياسىنىڭ پرەزيدەنتٸ راقىمعالي قۇل-مۇحاممەد, جۋرناليست قاينار ولجاي, «مازمۇنداما» باسپاسىنىڭ ديرەكتورى شىڭعىس مۇقان جەنە ٶزگە دە مەديا, باسپا, ديزاين سالاسىنىڭ بٸلٸكتٸ ماماندارى بار. قاتىسۋشىلارعا 72 ساعاتتىق سەرتيفيكات بەرٸلەدٸ.
كٶكتەمگٸ مەكتەپتٸڭ نەگٸزگٸ باعىتتارى — مەديا مەتٸندٸ رەداكتسييالاۋ تەحنولوگييالارى, مەدياديزاينداعى جاڭاشىلدىق, كٸتاپ يندۋستريياسىنداعى جاساندى ينتەللەكت, فاكتچەكينگ جەنە اقپاراتتى ۆەريفيكاتسييالاۋ, مەدياەتيكا جەنە مەدياساۋاتتىلىق, Digital جۋرناليستيكا.
كٶكتەمگٸ مەكتەپ بارىسىندا, جازۋشى, باسپاگەر, ەتنوگراف زەينوللا سەنٸكتٸڭ 90 جىلدىعىنا ارنالعان دەستٷرلٸ «سەنٸك وقۋلارى» اياسىندا ستۋدەنتتەر مەن ماگيسترانتتار اراسىندا رەسپۋبليكالىق بايقاۋ ٶتەدٸ. بايقاۋ جەڭٸمپازدارىنا زەينوللا سەنٸك اتىنداعى ارنايى شەكٸرتاقى تابىستالادى.
بايقاۋعا ماتەريالدار 2025 جىلدىڭ 13 سەۋٸرٸنە دەيٸن قابىلدانادى. بايقاۋ قورىتىندىسى 15 سەۋٸردە جارييالانادى.
ەدەمٸ مۇسابەك,
تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسى, مەدياجۋرناليستيكا ماماندىعىنىڭ 3-كۋرس ستۋدەنتٸ.
