Shara ákimdiktiń bastamasymen qalalyq Qoǵamdyq densaýlyq saqtaý basqarmasynyń uiymdastyrǵanyn aita ketýimiz kerek. Aktsiia músheleri qaladaǵy halyq kóp jinalatyn oryndardy aralap, tekserý jumystaryn júrgizgen. Budan basqa sharany uiymdastyrýshylar qaladaǵy saýda ortalyqtary, bazarlar jáne turǵyn úi alaptaryn da aralaǵan. Negizinen basymdyq qala shetindegi eldi mekenderge berilgen bolatyn.
– Bizder osy aktsiia barysynda qaladaǵy emhanalarda ashyq esik kúnin uiymdastyryp, turǵyndar arasynda túsindirý jumystary júrgizdik. Odan bólek, JOO da qamtyldy, iaǵni 4 astanalyq oqý ornynda fliýorografiialyq tekserý jumysy uiymdastyryldy, – dedi Nur-Sultan qalasy Qoǵamdyq densaýlyq saqtaý basqarma basshysynyń orynbasary Áliia Rústemova ákimdikte ótken baspasóz máslihatynda.
Onyń aitýynsha, týberkýlez aýrýyna qarsy uiymdastyrylǵan aktsiia 14 myń adamdy qamtyǵan.
– Aktsiia nátijesinde 75 adamnan týberkýlez aýrýynyń oń belgisi bar bolyp tabyldy. Arnaiy tekserýlerden keiin 9 adamnan týberkýlez aýrýynyń alǵashqy belgisi anyqtaldy. Bul baǵyttaǵy jumystar aldaǵy ýaqytta da jalǵasyn tabady. Jumys kúnderi tekserile almaityn azamattar úshin demalys kúnderi tekserý jáne anyqtaý sharalary uiymdastyrýdamyz, – dedi ol. Qalalyq ftiziopýlmonologiialyq ortalyǵynyń málimetine súiensek, elordada sońǵy 5 jylda atalǵan aýrýǵa ushyraǵandar sany 1,5 esege qysqarǵan.
