Bıyl qaladaǵy joldar men kóshelerdi tazalaýǵa 2 myńǵa jýyq tehnıka men 3,5 myń qyzmetker jumyldyrylatyn bolady. Altaı Kólginov áleýmettik nysandarǵa kiretin joldardy, trotýarlardy, aıaldamalardy tazalaýǵa erekshe nazar aýdarý qajettigin atap ótti.
Sonymen qatar, páter ıeleri kooperatıvterimen birlesip aýlalardy tazalaý jumystaryn kúsheıtýdi tapsyrdy. Qum-tuz qospasyn daıyndaý jumystary júrgizilýde.
Elorda ákimi qyzmetkerlerge jaǵdaı jasaý kerektigin atap ótti. Máselen, jalaqyny ýaqytyly tóleý, ystyq tamaq uıymdastyrý, tehnıkany jańartý keshikpeýi kerek ekenin qadap turyp aıtty.
Aldaǵy ýaqytta qosymsha 100-den astam tehnıka satyp alý josparlanýda. Arnaıy tehnıkany satyp alý «Astanaenergoservıs» aksıonerlik qoǵamynyń únemdelgen qarajaty esebinen júzege asyrylady. Altaı Kólginov qyzmetkerlerge ıgi eńbekteri úshin alǵysyn bildirdi. Jumysshylardyń kúndelikti eńbegi nátıjesinde qalamyz taza ári jaıly.
