بيىل قالاداعى جولدار مەن كوشەلەردى تازالاۋعا 2 مىڭعا جۋىق تەحنيكا مەن 3،5 مىڭ قىزمەتكەر جۇمىلدىرىلاتىن بولادى. التاي كولگىنوۆ الەۋمەتتىك نىساندارعا كىرەتىن جولداردى، تروتۋارلاردى، ايالدامالاردى تازالاۋعا ەرەكشە نازار اۋدارۋ قاجەتتىگىن اتاپ ءوتتى.
سونىمەن قاتار، پاتەر يەلەرى كووپەراتيۆتەرىمەن بىرلەسىپ اۋلالاردى تازالاۋ جۇمىستارىن كۇشەيتۋدى تاپسىردى. قۇم-تۇز قوسپاسىن دايىنداۋ جۇمىستارى جۇرگىزىلۋدە.
ەلوردا اكىمى قىزمەتكەرلەرگە جاعداي جاساۋ كەرەكتىگىن اتاپ ءوتتى. ماسەلەن، جالاقىنى ۋاقىتىلى تولەۋ، ىستىق تاماق ۇيىمداستىرۋ، تەحنيكانى جاڭارتۋ كەشىكپەۋى كەرەك ەكەنىن قاداپ تۇرىپ ايتتى.
الداعى ۋاقىتتا قوسىمشا 100-دەن استام تەحنيكا ساتىپ الۋ جوسپارلانۋدا. ارنايى تەحنيكانى ساتىپ الۋ «استاناەنەرگوسەرۆيس» اكسيونەرلىك قوعامىنىڭ ۇنەمدەلگەن قاراجاتى ەسەبىنەن جۇزەگە اسىرىلادى. التاي كولگىنوۆ قىزمەتكەرلەرگە يگى ەڭبەكتەرى ءۇشىن العىسىن ءبىلدىردى. جۇمىسشىلاردىڭ كۇندەلىكتى ەڭبەگى ناتيجەسىندە قالامىز تازا ءارى جايلى.
