«100 oqýlyq» sapaly bilim alýǵa negiz bolady
Elbasynyń «Rýhani jańǵyrý» jobasy aiasynda qolǵa alynǵan jumystary aýqymdy da, mańyz da joǵary. Óitkeni «100 jańa oqýlyq» jobasynyń jas urpaqqa bilim berý isindegi róli zor.
Qazaq jastary joǵary ǵylymi standarttarǵa sáikes bilim alýǵa tiis. «Rýhani jańǵyrý» baǵdarlamasynda elmizdiń eńbek naryǵynda joǵary bilikti gýmanitarlyq sala mamandarynyń asa qajet ekenin basa aityldy. Sana modernizatsiiasy gýmanitarlyq bilimge tikelei bailanysty bolǵandyqtan tarih pen saiasattaný, áleýmettaný men filosofiia, psihologiia, antropologiia, mádeniettaný, filologiia jáne pedagogika ǵylymdary boiynsha stýdentterge zamanǵa laiyq bilim berý úshin barlyq jaǵdaidy jasaý qajet. Osy mindetti joǵary deńgeide iske asyrýǵa «Jańa gýmanitarlyq bilim – qazaq tilindegi 100 jańa oqýlyq» jobasy keńinen jola ashady dep esepteimin.
Sondai-aq, Elbasynyń ǵylymdy qazaqsha sóiletýge muryndyq bolýy mańyzdy baǵyt ekeni anyq. Osy turǵyda berilgen múmkindikter men tildi igerý arqyly basqa ulttyń mádenietimen, tanym-túsinigimen, ulttyq ereksheligimen tanysa alamyz.
Ózge ulttardyń mádenietin bilmegen sátte túrli qaqtyǵystar oryn alýy múmkin. Sondyqtan birneshe halyqtyń mádenietin til arqyly salystyra otyryp, dinin, dúnietanymyn, mádenietin túsinýdiń mańyzy zor.
Bul oqýlyqtar – ózge ult ókilderimen jumys jasaityn áleýmettanýshylar, diplomattar, ekonomister úshin taptyrmas qural bolmaq. Sonymen qatar oqýlyqtar ǵalymdar men bilim alýshylardy ǵylymi aqparattarmen qamtyp, ǵylym tili kókjieginiń keńeiýine jol ashary sózsiz. Eń bastysy oqyrmandardyń aqparatty qazaq tilinde alýyna múmkindik berip, qazaqtyń ǵylymi tiliniń damýyna úles qosatyny bizdi qýantady.
Jańa oqýlyqtar aldaǵy ýaqytta jastardyń júieli bilim alýyna negiz bolady. Jobany júzege asyrý jas mamandardy daiarlaýda jańa sapalyq kezeńge shyǵýǵa múmkindik beredi. Jańa oqýlyqtar boiynsha bilim alatyn stýdentterimiz bilim salasyndaǵy jaћandyq básekelerge tótep beretindigine senimdimin.
Sáýle ANÝAR, Halyqaralyq qazaq-qytai til kolledjiniń Halyqaralyq qatynas jáne qytai tilin oqytý jónindegi direktordyń orynbasary, PhD doktor
