Elbasynyń «Bolashaqqa baǵdar:rýhani jańǵyrý» baǵdarlamalyq maqalasy aiasynda qolǵa alynǵan oblystyq óner baiqaýy Astana qalasynyń 20 jyldyǵy men Maqtaral aýdanynyń 90 jyldyq mereitoiyna orai ótkizilip otyr.
Sharaǵa Ońtústik Qazaqstan oblysynyń ákimi Janseiit Túimebaev, aqyn-sazger Isaril Saparbai, Qazaqstannyń estrada juldyzy Jubanysh Jeksenuly men aýdan ákimi Jamantai Beisenbaev qatysyp, keremet keshtiń qurmetti kórermenderi boldy.
Baiqaýdyń ashylýynda sóz alǵan oblys ákimi atalǵan is-sharanyń mańyzdylyǵyna toqtalyp, birqatar aýdan azamattaryn «Oblysqa sińirgen eńbegi úshin» medalimen jáne Alǵys hatpen marapattady.
«Qazaq ánderi – halqymyzdyń baǵa jetpes bailyǵy, sarqylmas qazynasy. Osy qazynamyz jaiynda ataqty óner zertteýshisi Zataevichtiń ózi joǵary pikir bildirip: «Maǵan kúlli qazaq dalasy án salyp turǵandai kórinedi» dep atap ketken. Osynaý ulttyq ónerimizdi kózdiń qarashyǵyndai saqtap, ony dáripteý, alaqanǵa salyp aialaý – bizdiń basty boryshymyz. Elbasymyz Nursultan Ábishuly Nazarbaev: «Adamzat tarihynyń kúretamyry – mádeniet. Bul bárimizge belgili aqiqat. Qai halyqtyń bolmasyn ózge jurtqa uqsamaityn bólek bolmys-bitimin daralap, ózindik taǵdyryn aiqyndaityn basty belgi – mádenieti.Sóitip, tek óziniń ulttyq tól mádenieti arqyly ǵana basqaǵa tanylady» degen bolatyn. Osyny eskersek, irgesi berik, súiegi myǵym memleket qurýdyń negizgi alǵysharttarynyń biri halyqtyń mádeni-rýhani turǵydan damýy der edik»,-dedi óz sózinde J.Túimebaev.
1993 jyly bastaý alǵan baiqaý el ishinde tanylmai júrgen kóptegen talanttardy jaryqqa shyǵardy. Alǵashqy baiqaýdyń ózinde-aq bas júldeni enshilegen Jubanysh Jeksenuly erekshe áýezdi únimen eldi tańdai qaqtyrǵan bolatyn. Ol búginde Qazaqstan Respýblikasynyń eńbek sińirgen qairatkeri, qazaq estradasyndaǵy jaryq juldyzdardyń birine ainaldy. Al kelesi jyly Otyrardan kelip, baǵyn synaǵan Hadisha Shalabaeva bas júldeni qanjyǵasyna bailaǵan bolatyn.
Óner dodasyna óńirdiń 20 jas talanttary qatysyp baqtaryn synady. Baiqaýdyń bas júldesine 1 million teńge, I orynǵa 500 myń teńge, al II oryn iegerine 400 myń teńge bolsa, III júldeli orynǵa 300 myń teńge kólemindegi qarjylai syilyq tabystalmaq.
Baiqaý qorytyndysymen Bas júldeni maqtaaraldyq Áriphan Nurislam alsa, I oryndy shymkenttik «Saryn» toby ielendi. Al, II oryn Ordabasy aýdanynyń turǵyny Ainur Aýbakirovaǵa, júldeli III oryndar shardaralyq Jandos Áshirbekov pen túrkistandyq Birjan Saparbekovaǵa buiyrdy.
OQO ákiminiń baspasóz qyzmeti
