10 jyl boiy sheshilmegen jer daýy
Osydan on jyl buryn 600-den astam otbasy Qarsai aýdany Áitei aýylyndaǵy «Altyn uia» JShS ieligine tiesili sharýa qojalyǵyn júrgizýge arnalǵan jerdi satyp alyp, kúni búginge deiin memlekettik akt ala almai, san uryp qaldy. Jer telimderine sot oryndaýshylary jeke maqsatqa aýystyrý turmaq, zańdastyratyn qujatty da bermegen. On jyl boiy sheshimin tappaǵan daýdyń anyq-qanyǵyn zerdelep kórelik.
12499365_1547634602196118_185761914_oOn jyl boiy sabylǵan halyq, kúni keshe Áitei aýylynyń mańynda jinalyp, BAQ ókilderine jer daýynyń sheshilmes túiinin túsindirýge kelipti. Olardyń aitýynsha, Qarasai aýdandyq sotynyń 02.03.2013 jylǵy jer telimin beibit jolmen jekemenshikke ótýi jaily, 2013 jyly 4 qańtarda shyqqan jerdiń negizgi maqsatyn ózgertý jaily, 29.07.2013 jylǵy alǵashqy qaýlyny oryndaý jaily sheshimin sot oryndaýshylary iske asyrýǵa qulyqsyz bolyp otyr eken. Ol az bolǵandai, Qarasai aýdandyq aǵa sot oryndaýshy Tanhiev D. M jáne sot oryndaýshysy Smail N.M barlyq jer telimin 29.04.2013 jylǵy sheshimge súienip, Ermenbaev Joldasbek atty azamatqa beripti. Onyń atyna barlyq jer telimderi úshin memlekettik akt jazylypty taǵy da. «Altyn uia» JShS, Ismailov J.B atynan Ermenbaevqa jer telimi berý jaily ruqsatyn bermegenin de halyq bir aýyzdan quptady. Orta joldan qosylǵan Ermenbaevty halyq óz múddesi úshin kilikken deldal dep sanaidy. Sonsha jyl sot úkimin oryndaýǵa qulyqsyz bolyp kelgen sot oryndaýshylary óz sheshimderin sanaýly ýaqytta iske asyrady. On jyldyń ishinde sot pen sot oryndaýshylardyń tabaldyryǵyn tozdyrǵan jurt, bilik ókilderinen osy daýdyń sheshimin tabýǵa jáne ózderi satyp alǵan jer telimderin qaitaryp berýge ótinish aitty.
12722670_1547634608862784_2017937448_oOsyǵan deiin eki márte Almaty oblysy apelliatsialyq sot kollegiiasy jerdi halyqqa qaitaryp berý jaily sheshim shyǵarǵan. Biraq Almaty oblystyq soty eki márte apelliatsiany qaitaryp jiberip, jerdiń iesi Ermenbaev dep tanyǵan eken. Jer telimderin satyp alýy úshin qart analar, jas januialar nesie alýǵa deiin barǵan. Batyr ana Nuriqan Balaqanova balalary úshin dep 52 myń AQSh dollaryn óz qolymen sanap bergen. Osy jer telimderi úshin násielerin kún sanap tólep, qalada páter jaldap sandalǵandary qanshama. Áiteidegi bul jerdi sharýashylyq maqsatqa qoldanyp, mal ósirý úshin paidalaný kerek dep te aitypty. Aýyl ortasynda osyndai sharýashylyqtyń ornaýy aqylǵa siymsyz emes pe?
[caption id="attachment_14145" align="alignleft" width="318"]12421987_1547634595529452_1631666944_o Aýdan ákiminiń orynbasary jerden úmit úzińder dep otyr[/caption]
Ashynǵan jurttyń endigi sońǵy múmkindigi Joǵarǵy sot bolyp otyr. Sońǵy instantsiia retinde Joǵarǵy sotqa aryzdary jazylyp ta qoiypty. Osy joly da jinalǵan qaýym Qarasai aýdandyq ákimdiginiń aldyna baryp, istiń túiinin sheship berýin ótindi. Ákimniń orynbasary Maqsut Japarov halyq aldyna shyǵyp, bul jerlerdiń turǵyn úi maqsatyna endigi múldem aýyspaitynyn aitty. Sebebi bul aýmaqtan gaz qubyry magistrali ótetinin jáne endigi bul jer telimderin tek sharýashylyq maqsatta ǵana qoldanýǵa bolatynyn túsindirdi. Maqsut Japarovtyń aitqanyna senetin bolsaq, osy jer máselesi boiynsha osyǵan deiin toǵyz adam bas bostandyǵynan aiyrylǵan eken. Halyqtyń ońbai aldanǵanyn da aitty. Sharsharǵan halyq osy jerlerdi eń bolmaǵanda sharýashylyqqa qoldanýy úshin zańdastyryp berýin ótingende, jer telimderine áli de memlekettik akt berilmegenin bilmeitinin jáne bul isti qaita qaraý kerektigine júgindi. Osydan bir jyl buryn aýdan ákimi turǵyn úi turǵyzý úshin sý, gaz ári jol salý kerektigin alǵa tartyp, taǵy osy isti tereń qaraý kerektigin aitqan bolatyn. Al osy jyly bul jer telimderi arqyly gaz qubyry magistrali ótetini jáne endigi turǵyn úi turǵyzýdyń múlde múmkin emestigin kesip aity.
12837728_1547634605529451_319385840_oSaly sýǵa ketken halyq jer telimderin eń bolmaǵanda sharýashylyq maqsatqa qoldana alýy úshin qujattandyrýyn qalaidy. Olardyń sońǵy instantsiia retinde Joǵarǵy sotqa bergen aryzdary qaralyp, sot sheshiminiń qalai órbitinin ańdý ǵana qolynan keledi endi. Óz qamy úshin ortaǵa kilikken deldar men kóńili ashyq, ańqaý halyqty ońdyrmai jerge otyrǵyzyp ketken alaiaqtardyń kesiri – on jyldyq daýǵa ulasty. Az emes, baqandai 600 otbasynyń jer daýy qaraýsyz jatýy uiatty jaǵdai. Endi olar tek Joǵary sottan úmit kútip otyr.
Abzal Súleimen.
