Máseleniń mán-jaiyn aita keteiik. Ózi Oraldaǵy jetimder úiinde ósken Anardy joldasy ekinshi balaǵa aiaǵy aýyr kezinde tastap ketipti. Bes ailyq uly Islamǵa beriletin 13 myń teńge járdemaqy jetpegesin jas ana qaiyr suraýǵa májbúr bolǵan. Al jaldap turyp jatqan páterdiń ieleri qaryzy úshin Anardy eki balasymen dalaǵa qýǵan...
Soǵan qaramai balalaryn jetimder úiine ótkizbegenine súisingenbiz. Anardyń ózi ata-anasy jol apatynan kóz jumǵannan keiin balalar úiinde tárbielenipti.
Tasbaýyr ákesi balalaryna múldem qarailaspaidy eken. Anardyń ózi ákimdiktegi páter kezeginde 835-shi bolyp tur. Al qoly kemis bolyp týǵan kishkentai Islamǵa ota jasatý kerek.
Osy maqsatpen Anardyń ózine habarlasqan edik. Sózin qaz-qalpynda berdik.
– Men týraly aqparat shyqqannan keiin ákimdikten bir top jas balalar kelip qolyma 50 myń teńge ustatty, sosyn azyq-túlik ákep tastady...
Jalpy qaiyrymdy adamdarǵa myń alǵys. 150 myń teńge aqsha jinap berdi. Osynyń arqasynda qaryzdarymnan qutyldym, balalaryma qajetti zattar satyp aldym.
Balamdy balabaqshaǵa turǵyzdym. Aqshasyn ózim tóleimin. Bylaiynsha, adamdar bei-jai qaramaidy. Kóbinese, kiim-keshek jiberedi. Sonaý Almatydan azyq-túlik salyp jiberetin adamdar bar.
Negizi, kondýktor bolyp isteitinmin. Biraq, balam kishkentai bolǵandyqtan jumysyma shyǵa almai qaldym. Qazir tymaýdyń kezi, kishkentailarym aýyryp qaldy. Tipti, dári alatyn aqsham bolmai tur, – deidi Anar Esmaǵulova.
Bizdiń mundaǵy maqsatymyz bireýdi synaý emes. Kerisinshe, ári jetim ósken, ári jalǵyz qalǵan jas ana Anar Esmaǵulovaǵa qaiyrymdy adam qarailassynshy degen oi.
Anarǵa kómek kórsetem degen azamattar bolsa, onyń telefonyna habarlasýyńyzǵa bolady.
Uialy telefony: 8 (705)-638-48-22
