Olar – jobalyq quny 50 mln. AQSH dollardy quraıtyn «IýKSES-50» JSHS-niń kún elektr stansasyn salý jobasy, quny 15 mln. AQSH dollarlyq «Standart Ýgle Hım» JSHS-niń Taskómirsaı keniniń kómirin qaıta óńdeý jobasy, sondaı-aq jalpy quny 200 mln. AQSH dollardy quraıtyn «Sozaq fosfat» JSHS-niń fosfor óńdeý zaýytynyń jobasy jáne quny 100 mln. AQSH dollarlyq «Sozaq Kaýs» JSHS-niń ótkir soda (kaýstıcheskaıa soda) shyǵarý jobasyn iske asyrý josparlanýda.
Budan ózge, aýdanda bıyl 4 mekteptiń qurylysy bastalady. Atap aıtqanda, Sholaqqorǵan aýylyndaǵy qos 300 oryndyq A.Súleımenov atyndaǵy jáne Á.Moldaǵulova atyndaǵy orta mektep, sondaı-aq, A.Baıtursynov atyndaǵy mektep pen qazandyq qurylysy. Sonymen qatar, Aqsúmbe eldi mekenindegi S.Qojanov atyndaǵy orta mektep, Sholaqqorǵan aýylyndaǵy «Jastar» ortalyǵy ǵımaraty men S.Qojanov atyndaǵy murajaı ǵımaraty qurylysy júredi. Aıta keterligi, qazirgi tańda Sholaqqorǵan men Sozaq aýylynan qos 2 qabatty 10 páterli áleýmettik qyzmetkerlerge arnalǵan turǵyn úılerdiń qurylysy júrýde.
Ifraqurylymmen qamtý boıynsha Sozaq aýdanynda aýyz sý qubyry bar 23 eldi mekenniń 17-inde aýyz sý táýligine 24 saǵat berilse, 7 eldi mekende aýyz sý ýaqytpen berilýde. Bıylǵy jyly aýdandyq búdjetten jalpy uzyndyǵy 16,51 shaqyrymdy quraıtyn 17 kóshege ortasha jóndeý, asfált tóseý jumystary júrgiziledi. Onyń ishinde Sholaqqorǵan aýyldyq okrýginde qashyqtyǵy 7,1 shaqyrymdy quraıtyn 7 kóshe qamtylyp otyr. «Óńirlerdi damytý» baǵdarlamasy boıynsha jalpy uzyndyǵy 4,47 shaqyrymdy quraıtyn 6 kóshege ortasha jóndeý jumystary júrgiziletin bolady.
Túrkistan oblysy Óńirlik komýnıkasıalar qyzmeti
