AQSH-ta sot Donald Tramp ákimshiliginiń "Amerıka daýysy" radıosynyń jumysyn toqtatý týraly sheshimin zańsyz dep tanyp, 1042 qyzmetkerdi qaıta jumysqa alýdy mindettedi, dep habarlaıdy Dalanews.kz.
Sheshimdi sýdıa Roıs Lambert shyǵardy. Ol bılikke bir apta ishinde medıakompanıanyń jumysyn qalpyna keltirýdi tapsyrdy.
İsti "Amerıka daýysy" jýrnalıseri kóterip, sóz bostandyǵy buzylǵanyn málimdegen. Sot qyzmetkerlerdi jumystan bosatý negizsiz ári zańsyz júrgizilgenin atap ótti.
Sondaı-aq, AQSH-tyń ǵalamdyq medıa agenttiginiń basshysy Kerı Leıktiń mundaı sheshimdi Senattyń maquldaýynsyz qabyldaýǵa quzyreti bolmaǵany aıtyldy. Buǵan deıin sot qyzmetkerlerdi jumystan shyǵarýǵa ýaqytsha tyıym salǵanymen, ujymnyń basym bóligi is júzinde jumystan shettetilgen.
