اقش-تا سوت دونالد ترامپ اكىمشىلىگىنىڭ "امەريكا داۋىسى" راديوسىنىڭ جۇمىسىن توقتاتۋ تۋرالى شەشىمىن زاڭسىز دەپ تانىپ، 1042 قىزمەتكەردى قايتا جۇمىسقا الۋدى مىندەتتەدى، دەپ حابارلايدى Dalanews.kz.
شەشىمدى سۋديا رويس لامبەرت شىعاردى. ول بيلىككە ءبىر اپتا ىشىندە مەدياكومپانيانىڭ جۇمىسىن قالپىنا كەلتىرۋدى تاپسىردى.
ءىستى "امەريكا داۋىسى" جۋرناليستەرى كوتەرىپ، ءسوز بوستاندىعى بۇزىلعانىن مالىمدەگەن. سوت قىزمەتكەرلەردى جۇمىستان بوساتۋ نەگىزسىز ءارى زاڭسىز جۇرگىزىلگەنىن اتاپ ءوتتى.
سونداي-اق، اقش-تىڭ عالامدىق مەديا اگەنتتىگىنىڭ باسشىسى كەري لەيكتىڭ مۇنداي شەشىمدى سەناتتىڭ ماقۇلداۋىنسىز قابىلداۋعا قۇزىرەتى بولماعانى ايتىلدى. بۇعان دەيىن سوت قىزمەتكەرلەردى جۇمىستان شىعارۋعا ۋاقىتشا تىيىم سالعانىمەن، ۇجىمنىڭ باسىم بولىگى ءىس جۇزىندە جۇمىستان شەتتەتىلگەن.
