Ulybritaniia Qazaqstan munaiyn Resei arqyly tasymaldaýǵa qatysty arnaiy sheshim qabyldady. London "Transneft" kompaniiasynyń qatysýymen júrgiziletin operatsiialarǵa litsenziia berdi. Biraq bul múmkindik Qazaqstanda óndirilgen munaiǵa ǵana qatysty, dep habarlaidy Dalanews.kz.
Nege.Aqsha málimetinshe, atalǵan sheshimdi sarapshylar "sanktsiialyq tereze" dep baǵalap otyr. Iaǵni Resei kompaniialaryna qarsy shekteýler kúshinde qalsa da, Qazaqstan munaiyn Resei aýmaǵy arqyly tranzitpen ótkizýge resmi túrde jol ashyldy.
Litsenziia talaptaryna sáikes, Qazaqstan munaiyn jetkizýge, tasymaldaýǵa jáne satyp alýǵa ruqsat etiledi. Sonymen qatar tólemderdi britandyq bankter arqyly júrgizýge bolady. Alaida mańyzdy shart bar. Munai reseilik tulǵalarǵa tiesili bolmaýy tiis. Soǵan qaramastan, onyń tasymal baǵyty Resei aýmaǵy arqyly ótýine kedergi joq.
Bul litsenziia 2026 jylǵy 19 naýryzdan bastap 2028 jylǵy 18 naýryzǵa deiin jaramdy bolady.
Atalǵan sheshim Qazaqstan úshin óte mańyzdy. Sebebi el munaiynyń basym bóligi dál osy reseilik marshrýttar arqyly eksporttalady.
