Qazaqstanda jyl basynan beri terrorizm men ekstremizmge qatysty qylmystar úshin 17 adam sottaldy, dep habarlaidy Dalanews.kz.
Bul týraly Ulttyq qaýipsizdik komiteti málimdedi.
Belgili bolǵandai, sottalǵandardyń biri - Almaty qalasynyń turǵyny. Ol 2017 jyly shetelge ketip, halyqaralyq terroristik uiymdar jaǵynda soǵys qimyldaryna qatysqan. 2025 jyly ol shetelde ustalyp, Qazaqstanǵa ekstraditsiialanǵan. Sot ony 8 jylǵa bas bostandyǵynan aiyrdy.
Taǵy bir aiyptalýshy - Kókshetaý qalasynyń turǵyny. Ol 2013 jyldan beri shetelde júrgen jáne internet arqyly terrorizm men dini ekstremizmdi nasihattaýmen ainalysqan. Ol da sheteldik arnaiy qyzmetterdiń qatysýymen ustalyp, Qazaqstanǵa jetkizilgen. Sot úkimimen 9 jyl 6 aiǵa bas bostandyǵynan aiyrylǵan.
Sonymen qatar Astana, Almaty, Shymkent qalalarynda, Aqmola oblysynda jáne Ulytaý oblysynda terroristik áreketke qatysy bar degen kúdikpen 6 adam ustaldy.
Budan bólek, qylmystyq-atqarý júiesi mekemelerinde jazasyn ótep jatqan taǵy 4 sottalýshyǵa jańa aiyptar taǵyldy. Olarǵa túrmede terrorizmdi nasihattady jáne sottalǵandar arasynda dini arazdyqty qozdyrdy degen kúdik keltirilip otyr.
