Atyraýda 23 jastaǵy jedel járdem feldsheri Azamat Asylbekovtiń ólimine bailanysty 19 adam sot aldynda jaýap beredi. Qylmystyq is sotqa joldandy, dep habarlaidy Dalanews.kz "Aq Jaiyq" basylymyna siltep.
Tergeý nusqasyna sáikes 2025 jyly 16 tamyzda "Liapiza" meiramhanasynda ótken toida jastar arasynda janjal shyǵyp, ol keiin tóbeleske ulasqan. Artynsha eki tarap túnde kezdesip, máseleni sheshýge ýaǵdalasqan.
"Tún ortasynda Himposelok mańyndaǵy bos jerde eki top jinalǵan. Keibiri qarý ákelip, sonyń saldarynan atys bastalǵan. Oqtyń biri feldsherge tiip, ol oqiǵa ornynda kóz jumǵan. Keiin qatysýshylar tarap ketip, qarýdy jasyrýǵa tyrysqan", - dep jazylǵan málimette.
Kúdiktilerge kisi óltirý, buzaqylyq jáne qarýdy zańsyz saqtaý baptary boiynsha aiyp taǵylǵan. Olardyń bir bóligi tergeý izoliatorynda, endi biri úiqamaqta otyr.
Sonymen qatar, qaqtyǵystyń ekinshi tarabyna, iaǵni qaza tapqan feldsherdiń dostaryna qatysty da sot protsesi jalǵasyp jatyr. Tergeý dereginshe, olar da qarý qoldanǵan.
