اتىراۋدا 23 جاستاعى جەدەل جەردەم فەلدشەرٸ ازامات اسىلبەكوۆتٸڭ ٶلٸمٸنە بايلانىستى 19 ادام سوت الدىندا جاۋاپ بەرەدٸ. قىلمىستىق ٸس سوتقا جولداندى, دەپ حابارلايدى Dalanews.kz "اق جايىق" باسىلىمىنا سٸلتەپ.
تەرگەۋ نۇسقاسىنا سەيكەس 2025 جىلى 16 تامىزدا "لياپيزا" مەيرامحاناسىندا ٶتكەن تويدا جاستار اراسىندا جانجال شىعىپ, ول كەيٸن تٶبەلەسكە ۇلاسقان. ارتىنشا ەكٸ تاراپ تٷندە كەزدەسٸپ, مەسەلەنٸ شەشۋگە ۋاعدالاسقان.
"تٷن ورتاسىندا حيمپوسەلوك ماڭىنداعى بوس جەردە ەكٸ توپ جينالعان. كەيبٸرٸ قارۋ ەكەلٸپ, سونىڭ سالدارىنان اتىس باستالعان. وقتىڭ بٸرٸ فەلدشەرگە تيٸپ, ول وقيعا ورنىندا كٶز جۇمعان. كەيٸن قاتىسۋشىلار تاراپ كەتٸپ, قارۋدى جاسىرۋعا تىرىسقان", - دەپ جازىلعان مەلٸمەتتە.
كٷدٸكتٸلەرگە كٸسٸ ٶلتٸرۋ, بۇزاقىلىق جەنە قارۋدى زاڭسىز ساقتاۋ باپتارى بويىنشا ايىپ تاعىلعان. ولاردىڭ بٸر بٶلٸگٸ تەرگەۋ يزولياتورىندا, ەندٸ بٸرٸ ٷيقاماقتا وتىر.
سونىمەن قاتار, قاقتىعىستىڭ ەكٸنشٸ تارابىنا, ياعني قازا تاپقان فەلدشەردٸڭ دوستارىنا قاتىستى دا سوت پروتسەسٸ جالعاسىپ جاتىر. تەرگەۋ دەرەگٸنشە, ولار دا قارۋ قولدانعان.
