«Qazaqmys korporatsiiasy» JShS qyzmetkerlerin turǵyn úimen qamtamasyz etýge baǵyttalǵan áleýmettik baǵdarlamasyn iske asyrýdy jalǵastyryp jatyr. Taiaýda kompaniia qyzmettik páterlerdi óńirlerdegi jumyskerlerdiń menshigine ótkizdi, dep habarlaidy Dalanews.kz.
Baǵdarlamanyń osy kezeńinde 13 páterdiń menshik quqyǵy rásimdeldi. Segiz páter Balqash qalasynda, bes páter Jezqazǵan óńirinde ornalasqan. Baǵdarlama qyzmettik turǵyn úide turatyn jáne áleýmettik turǵydan osal sanatqa jatatyn jumyskerlerge baǵyttalǵan. Salyq pen mindetti tólemderdi tolyǵymen kompaniia ótedi. Osylaisha qyzmetkerlerge baspanany qosymsha qarjylyq júktemesiz ielenýge múmkindik berdi.
Kompaniia osy baǵyttaǵy jumysty júieli túrde júrgizip keledi. Sońǵy birneshe jyl ishinde jumyskerlerge 90-nan astam páterdiń kilti tabystaldy. Ekinshi toqsanda taǵy 23 páterdi jeńildetilgen shartpen satý, sondai-aq Balqash qalasyndaǵy qyzmettik baspanalar jumyskerlerge berý josparlanýda.
Turǵyn úimen qamtamasyz etý – kompaniianyń óz qyzmetkerlerin qoldaýǵa jáne olardyń ómir súrý sapasyn jaqsartýǵa baǵyttalǵan júieli saiasatynyń bir bóligi.
