«قازاقمىس كورپوراسياسى» ج ش س قىزمەتكەرلەرىن تۇرعىن ۇيمەن قامتاماسىز ەتۋگە باعىتتالعان الەۋمەتتىك باعدارلاماسىن ىسكە اسىرۋدى جالعاستىرىپ جاتىر. تاياۋدا كومپانيا قىزمەتتىك پاتەرلەردى وڭىرلەردەگى جۇمىسكەرلەردىڭ مەنشىگىنە وتكىزدى، دەپ حابارلايدى Dalanews.kz.
باعدارلامانىڭ وسى كەزەڭىندە 13 پاتەردىڭ مەنشىك قۇقىعى راسىمدەلدى. سەگىز پاتەر بالقاش قالاسىندا، بەس پاتەر جەزقازعان وڭىرىندە ورنالاسقان. باعدارلاما قىزمەتتىك تۇرعىن ۇيدە تۇراتىن جانە الەۋمەتتىك تۇرعىدان وسال ساناتقا جاتاتىن جۇمىسكەرلەرگە باعىتتالعان. سالىق پەن مىندەتتى تولەمدەردى تولىعىمەن كومپانيا وتەدى. وسىلايشا قىزمەتكەرلەرگە باسپانانى قوسىمشا قارجىلىق جۇكتەمەسىز يەلەنۋگە مۇمكىندىك بەردى.
كومپانيا وسى باعىتتاعى جۇمىستى جۇيەلى تۇردە جۇرگىزىپ كەلەدى. سوڭعى بىرنەشە جىل ىشىندە جۇمىسكەرلەرگە 90-نان استام پاتەردىڭ كىلتى تابىستالدى. ەكىنشى توقساندا تاعى 23 پاتەردى جەڭىلدەتىلگەن شارتپەن ساتۋ، سونداي-اق بالقاش قالاسىنداعى قىزمەتتىك باسپانالار جۇمىسكەرلەرگە بەرۋ جوسپارلانۋدا.
تۇرعىن ۇيمەن قامتاماسىز ەتۋ – كومپانيانىڭ ءوز قىزمەتكەرلەرىن قولداۋعا جانە ولاردىڭ ءومىر ءسۇرۋ ساپاسىن جاقسارتۋعا باعىتتالعان جۇيەلى ساياساتىنىڭ ءبىر بولىگى.
