Atyraý oblysynda memlekettik qyzmetker qumar oiyn úshin jumysynan aiyryldy, dep habarlaidy Dalanews.kz.
Mamandandyrylǵan tabiǵat qorǵaý prokýratýrasy Ekologiia departamentiniń qyzmetkerin sybailas jemqorlyqqa qarsy zańnama talaptaryn buzǵany úshin jaýapqa tartty.
Memlekettik qyzmetker zańda belgilengen tyiymǵa qaramastan, qumar oiyndarǵa qatysqan. Ol qadaǵalaý aktisi negizinde memlekettik qyzmetke kir keltiretin tártiptik teris qylyq úshin jumystan bosatylǵan.
Odan bólek, Ekologiia departamenti basshysynyń orynbasary jáne ekologiialyq baqylaý bóliminiń 7 bas mamany zańnamany (ÁQBtK-niń 498-baby "Quqyqtyq statistika jáne arnaiy esepke alý derekterin usynýdan bas tartý, usynbaý, ýaqtyly usynbaý, jasyrý, qosyp jazý jáne basqa da burmalaýshylyqtar") buzǵany úshin ákimshilik jaýapkershilikke tartylǵan.
