Qazirgi tańda Shardara aýdanynda №18 gaz taratý stansıasy salynyp jatyr. Joba iske qosylǵanda Shardara qalasy men 11 eldimeken kógildir otynǵa qol jetkizetin bolady. Túrkistan oblysy ákiminiń baspasóz qyzmeti aýdanǵa uıymdastyrǵan pres-týr barysynda BAQ ókilderi atalǵan nysannyń qurylys jumystarymen tanysty.

Aýdandyq turǵyn úı-kommýnaldyq sharýashylyq, jolaýshylar kóligi avtomobıl joldary bóliminiń basshysy Erkebulan Karatýnov qurylystyń jumys kestesine saı, sapaly túrde atqarylyp jatqanyn jetkizdi.

– Halyqty gazben qamtamasyz etý maqsatynda 2018 jyly Dostyq, Sútkent, Qyzylqum, Aqaltyn, Egizqum aýyldaryna gaz qubyryn tartý jumystaryn bastadyq. Mundaǵy qurylys jumystary jospar boıynsha jyl sońyna deıin aıaqtalatyn bolady. Qazir salynyp jatqan stansıada paıdalanýǵa beriledi dep kútilýde. Jalpy 2023 jylǵa qaraı aýdanda gaz máselesi 100 paıyzǵa sheshiletin bolady, – dedi Erkebulan Karatýnov.

№18 gaz taratý stansıasynyń qurylys jumystary 2017 jyly bastalǵan. Jobany iske asyrý úshin oblystyq búdjetten 2 mlrd. 912 mln. 634 myń teńge qaralǵan.

Aıta keteıik, jalpy aýdanda ázirge 3 eldimeken tolyǵymen tabıǵı gazben qamtylǵan. Bul aýyldarǵa №17 gaz taratý stansıasy arqyly kógildir otyr jetkizilip otyr.

 

Túrkistan oblysy ákiminiń baspasóz qyzmeti