Jańaózende 47 jastaǵy Dina Jarylǵasovaǵa izdeý jariialandy. Ol byltyr tamyz aiynda joǵalyp ketken, dep habarlaidy Dalanews.kz Lada.kz-ke silteme jasap.
Lider.kz izdestirý qozǵalysy eriktileriniń málimetinshe, áiel 1-shaǵynaýdanda turǵan. 2025 jylǵy 5 tamyz kúni shamamen saǵat 19:00-de ol úiden belgisiz baǵytqa shyǵyp ketken. Sodan beri onyń qaida ekeni belgisiz.
Joǵalǵan áieldiń belgileri: boiy shamamen 170 santimetr, dene bitimi ortasha.
Joǵalǵan kúni Dina Jarylǵasova aq burshaqty qara kóilek pen oiýly uzyn qyzyl keýdeshe kiip shyqqan. Qasynda haki tústes shaǵyn sómkesi bolǵan.
Týystary men eriktiler áieldi kórgen nemese onyń júrgen jeri týraly qandai da bir aqparaty bar adamdardan habarlasýdy suraidy.
