جاڭاٶزەندە 47 جاستاعى دينا جارىلعاسوۆاعا ٸزدەۋ جارييالاندى. ول بىلتىر تامىز ايىندا جوعالىپ كەتكەن, دەپ حابارلايدى Dalanews.kz Lada.kz-كە سٸلتەمە جاساپ.
Lider.kz ٸزدەستٸرۋ قوزعالىسى ەرٸكتٸلەرٸنٸڭ مەلٸمەتٸنشە, ەيەل 1-شاعىناۋداندا تۇرعان. 2025 جىلعى 5 تامىز كٷنٸ شامامەن ساعات 19:00-دە ول ٷيدەن بەلگٸسٸز باعىتقا شىعىپ كەتكەن. سودان بەرٸ ونىڭ قايدا ەكەنٸ بەلگٸسٸز.
جوعالعان ەيەلدٸڭ بەلگٸلەرٸ: بويى شامامەن 170 سانتيمەتر, دەنە بٸتٸمٸ ورتاشا.
جوعالعان كٷنٸ دينا جارىلعاسوۆا اق بۇرشاقتى قارا كٶيلەك پەن ويۋلى ۇزىن قىزىل كەۋدەشە كيٸپ شىققان. قاسىندا حاكي تٷستەس شاعىن سٶمكەسٸ بولعان.
تۋىستارى مەن ەرٸكتٸلەر ەيەلدٸ كٶرگەن نەمەسە ونىڭ جٷرگەن جەرٸ تۋرالى قانداي دا بٸر اقپاراتى بار ادامداردان حابارلاسۋدى سۇرايدى.
