Qazaqstan premer-ministriniń orynbasary Qanat Bozymbaev Reseide janýarlar arasynda taraǵan qaýipti aýrýlarǵa bailanysty jaǵdaiǵa pikir bildirip, onyń Qazaqstanǵa qanshalyqty qater tóndiretinin aitty, dep habarlaidy Dalanews.kz.
Onyń sózinshe, Resei óńirlerinde mal aýrýlarynyń órshýine bailanysty elde qaýipsizdik sharalary kúsheitilgen. Ótken aptada shuǵyl túrde qajetti veterinarlyq preparattardy satyp alý jáne maldy jappai vaktsinatsiialaý týraly sheshim qabyldanǵan.
Bozymbaevtyń aitýynsha, qazir Qazaqstanda, ásirese shekara mańynda veterinarlyq baqylaý kúsheitildi. Aýyl sharýashylyǵy ministrligi jaǵdaidy jiti baqylaýda ustap otyr.
Sonymen qatar ol Qazaqstan aýmaǵynda ázirge janýarlar arasynda asa qaýipti aýrýlardyń aýyr jaǵdailary tirkelmegenin atap ótti.
Buǵan deiin Qazaqstan Reseiden ákelinetin jáne Resei aýmaǵy arqyly ótetin malǵa, termiialyq óńdeýden ótpegen jem-shópke, sondai-aq mal sharýashylyǵy ónimderine ýaqytsha shekteý engizgen bolatyn. Mundai shara kórshi eldegi epizootiialyq ahýaldyń nasharlaýyna bailanysty qabyldanǵan.
Eske salaiyq, buǵan deiin Reseidiń birqatar óńirinde janýarlar arasynda qutyrý men pasterellez aýrýlarynyń órshýine bailanysty tótenshe jaǵdai rejimi engizilgen edi.
