Mysyrda QazUÝ-diń filialy ashyldy
Filial jańa oqý jylynan bastap alǵashqy mysyrlyq stýdentterdi qabyldaityn bolady. Keiin olar QazUÝ-da akademiialyq almasý boiynsha bilim alyp, taǵylymdamadan óte alady, al olardyń ishindegi eń úzdikteri keiin magistratýraǵa túsýge múmkindik alady.
«Biz halyqaralyq reitingterde alǵa jyljyp, úlken jetistikterge qol jetkizgen qazaqstandyq jetekshi ýniversitet – ál-Farabi atyndaǵy QazUÝ-men yntymaqtastyq jasaýǵa asa múddelimiz. Ýniversitet kampýsy álemdegi eń úzdikterdiń biri, munda stýdentterdiń turýy men oqýyna barlyq jaǵdai jasalǵan. Sondyqtan, APE Parlamentiniń depýtaty, EIU ókilderi jáne Qazaqstan Respýblikasyndaǵy Mysyr Elshiliginiń ókilderinen qurylǵan úlken delegatsiia QazUÝ-ǵa filial ashý týraly kelisim jasaý úshin keldi. Biz bul jobaǵa jan-jaqty qoldaý kórsetemiz», - dep atap ótti QR-daǵy ARE Elshiliginiń mádeniet jáne bilim isteri jónindegi attashesi Rizk Randa Mahmýd hanym.
Aita ketý kerek, Qazaqstandyq jetekshi ýniversitet pen Mysyrlyq joǵary oqýoryndary arasyndaǵy seriktestik qarqyndy damýda. Biyl Kair ýniversitetinde QazUÝ-dyń qoldaýymen qazaq tili oqytyla bastady, sondai-aq ál-Farabi ǵylymi-bilim berý ortalyǵy ashylyp, belsendi jumys atqarýda.
www.kaznu.kz
