Almatyda jol opyrylyp, birneshe kólik shuńqyrǵa túsip ketken. Oqiǵanyń videosy áleýmettik jelide tarap ketti, dep habarlaidy dalanews.kz.
Jelide taraǵan málimetke súiensek, jol jóndeý jumystary kezinde Momyshuly-Rysqulov kósheleri qiylysynda joldyń bir bóligi opyrylyp, tereń shuńqyr paida bolǵan. Birneshe kólik shuńqyrǵa túsip, osy aýmaqtaǵy qozǵalys qiyndaǵan.
Oqiǵa saldarynan jolda kólik keptelisi de paida bolǵan. Kýágerlerdiń aitýynsha, bul jaǵdai túngi saǵat 1 shamasynda bolǵan.
Júrgizýshilerden jolda abai bolyp, múmkindiginshe ainalma baǵytty tańdaý suraldy.
Qala turǵyndary bul jait tańerteń de qiyndyq týǵyzatynyn aitqan. Jaýaptylar ázirge pikir bildirgen joq.
