فيليال جاڭا وقۋ جىلىنان باستاپ العاشقى مىسىرلىق ستۋدەنتتەردى قابىلدايتىن بولادى. كەيىن ولار قازۇۋ-دا اكادەميالىق الماسۋ بويىنشا ءبىلىم الىپ، تاعىلىمدامادان وتە الادى، ال ولاردىڭ ىشىندەگى ەڭ ۇزدىكتەرى كەيىن ماگيستراتۋراعا تۇسۋگە مۇمكىندىك الادى.
«ءبىز حالىقارالىق رەيتينگتەردە العا جىلجىپ، ۇلكەن جەتىستىكتەرگە قول جەتكىزگەن قازاقستاندىق جەتەكشى ۋنيۆەرسيتەت – ءال-فارابي اتىنداعى قازۇۋ-مەن ىنتىماقتاستىق جاساۋعا اسا مۇددەلىمىز. ۋنيۆەرسيتەت كامپۋسى الەمدەگى ەڭ ۇزدىكتەردىڭ ءبىرى، مۇندا ستۋدەنتتەردىڭ تۇرۋى مەن وقۋىنا بارلىق جاعداي جاسالعان. سوندىقتان، APE پارلامەنتىنىڭ دەپۋتاتى، EIU وكىلدەرى جانە قازاقستان رەسپۋبليكاسىنداعى مىسىر ەلشىلىگىنىڭ وكىلدەرىنەن قۇرىلعان ۇلكەن دەلەگاسيا قازۇۋ-عا فيليال اشۋ تۋرالى كەلىسىم جاساۋ ءۇشىن كەلدى. ءبىز بۇل جوباعا جان-جاقتى قولداۋ كورسەتەمىز»، - دەپ اتاپ ءوتتى قر-داعى ارە ەلشىلىگىنىڭ مادەنيەت جانە ءبىلىم ىستەرى جونىندەگى اتتاشەسى ريزك راندا ماحمۋد حانىم.
ايتا كەتۋ كەرەك، قازاقستاندىق جەتەكشى ۋنيۆەرسيتەت پەن مىسىرلىق جوعارى وقۋورىندارى اراسىنداعى سەرىكتەستىك قارقىندى دامۋدا. بيىل كاير ۋنيۆەرسيتەتىندە قازۇۋ-دىڭ قولداۋىمەن قازاق ءتىلى وقىتىلا باستادى، سونداي-اق ءال-فارابي ءعىلىمي-بىلىم بەرۋ ورتالىعى اشىلىپ، بەلسەندى جۇمىس اتقارۋدا.
www.kaznu.kz
