"ۇلتتىق دەنساۋلىق ساقتاۋ ورتالىعى" وكىلىنىڭ پىكىرىنشە، ۋاقىت بەلدەۋىنىڭ ادام اعزاسىنداعى كوپتەگەن پروسەستەرگە تىكەلەي قاتىسى بار.
«ۇلتتىق دەنساۋلىق ساقتاۋ ورتالىعى» باسقارما ءتوراعاسىنىڭ ورىنباسارى سالتانات نازاروۆانىڭ ايتۋىنشا، كەز كەلگەن ادامنىڭ ومىرلىك پروسەستەرى ۋاقىت بويىنشا وزگەرىپ وتىرادى (ساعاتتار، كۇندەر، اپتالار، ايلار، ماۋسىمدار نەمەسە جىلدار بويى). بۇل وزگەرىستەر بيوريتمدەر دەپ اتالادى. مۇنداي سيركادتىق ىرعاقتار – ءبىزدىڭ دەنساۋلىعىمىز، ونىمدىلىگىمىز جانە ۇزاق ءومىر ءسۇرۋىمىزدىڭ نەگىزى بولىپ سانالادى ەكەن.
كوپتەگەن شەتەلدىك زەرتتەۋلەر بيوريتمدەردىڭ اعزاداعى گورمونداردىڭ، فەرمەنتتەردىڭ جانە باسقا دا بەلسەندى زاتتاردىڭ دەڭگەيىن باقىلايتىنىن، سونىمەن قاتار قان قۇرامىن جانە جالپى تەپە-تەڭدىكتى (گومەوستاز) ساقتايتىنىن كورسەتەدى. ۇيقى مەن سەرگەكتىك، دەمالىس پەن بەلسەندىلىكتى، تاماقتانۋ مەن زات الماسۋدى رەتتەيتىن بيوريتمدەردىڭ ۇيلەسىمدى جۇمىسى ادام دەنساۋلىعى ءۇشىن ماڭىزدى ءرول اتقارادى، - دەيدى مامان.
ەسكە سالساق، بۇگىن ۇكىمەت وتىرىسىندا ساۋدا ءمينيسترى ۋاقىت بەلدەۋىنە قاتىستى مالىمدەمە جاساپ، قازاقستاندىقتار ءۇشىن نەگە UTC+5 ساعات بەلدەۋى دۇرىس ەكەنىن تۇسىندىرگەن بولاتىن. سونداي-اق مينيستر ارمان شاققالييەۆ ۋاقىت بەلدەۋىنە قاتىستى ءتۇسىندىرۋ جۇمىستارى قالاي جۇرگىزىلگەنىن ايتتى.
