بۇگىن، 22 قاراشادا وتكەن باسپا ءسوز كونفەرەنسياسىندا "قازمۇنايگاز" ۇك " اق باسقارما ءتوراعاسى اسحات حاسەنوۆتان جۋرناليستەر ەلىمىزدىڭ باتىسىندا گاز قۇيۋ بەكەتتەرىندە سوڭعى كەزدەرى ءجيى ورىن الاتىن ۇزىن-سونار كەزەكتىڭ سەبەبى نەدە ەكەنىن سۇرادى، دەپ حابارلايدى Dalanews.kz.
اسحات حاسەنوۆ قمگ سۇيىتىلعان مۇناي گاز ءوندىرۋشى 10 كومپانيانىڭ ءبىرى بولىپ تابىلاتىنىن ناقتىلادى.
"ءبىزدىڭ بارلىق ءۇش زاۋىت جۇمىس ىستەپ تۇر. مينيسترلىك بىزگە كەستە بويىنشا بەلگىلەپ، نەنى ءبولىپ كورسەتەدى، ءبىز سونىڭ بارلىعىن قالتقىسىز ورىنداپ جاتىرمىز. ءبىز، ءتىپتى بۇگىندەرى جوسپارداعى ءوندىرىس كولەمىن مەرزىمىنەن بۇرىن ورىنداۋدامىز. وندىرىلگەننىڭ ءبارىن ىشكى نارىققا باعىتتالۋدا"، - دەدى ول.
قمگ باسشىسى ەلىمىزدىڭ باتىسىندا كەزەك مەزگىل-مەزگىل پايدا بولىپ تۇراتىنىن بىلەتىنىن، ءبىراق بۇل وندىرۋشىلەرگە ەمەس، نارىقتا گاز تاراتاتىن ەنەرگەتيكا مينيسترلىگىنە قاتىستى ماسەلە ەكەنىن باسا ايتتى.
