الماتىدا مەترو باسشىلىعى كەسٸپكەرلەرمەن زاڭسىز كەلٸسٸم جاساعان. نەتيجەسٸندە, 11 كەسٸپكەردٸڭ زارداپ شەكككەنٸ بەلگٸلٸ بولدى, دەپ حابارلايدى Dalanews.kz.
كٶلٸك پروكۋراتۋراسى «مەتروپوليتەن» شجق كمك قىزمەتٸن تالداۋ بارىسىندا كەسٸپكەرلەردٸڭ قۇقىعىنا نۇقسان كەلتٸرەتٸن زاڭبۇزۋشىلىقتاردى انىقتادى.
"مەتروپوليتەن باسشىلىعى سالىق شىعىندارىن ساۋدا الاڭدارىن جالعا الۋشىلار ەسەبٸنەن ٶتەۋگە شەشٸم قابىلداپ, ول ٷشٸن ولاردى قوسىمشا كەلٸسٸمدەر جاساۋعا مەجبٷرلەگەن. پروكۋراتۋرانىڭ قاداعالاۋ اكتٸسٸ بويىنشا سالىق تٶلەمدەرٸن جابۋ بٶلٸگٸندەگٸ زاڭسىز تالاپتار كەلٸسٸمدەردەن الىنىپ تاستالدى, ال كەسٸپكەرلەرگە 12,5 ملن تەڭگە قايتارىلدى", – دەلٸنگەن پروكۋراتۋرا حابارلاماسىندا.
