اقتاۋدا ناۋقاس بالانىڭ ەكەسٸ شابۋىل جاساعان بالالار حيرۋرگٸ قانات يسمايل وقيعانىڭ مەن-جايىن ايتىپ بەردٸ. دەرٸگەر ٶزٸنە تاعىلعان ايىپتاۋلارمەن كەلٸسپەيتٸنٸن مەلٸمدەپ, بالانى مەديتسينالىق تالاپتارعا سەيكەس تەكسەرۋگە جٸبەرگەنٸن جەتكٸزدٸ, دەپ حابارلايدى Lada.kz.
ماڭعىستاۋ وبلىستىق بالالار اۋرۋحاناسىنىڭ قابىلداۋ بٶلٸمٸندە جۇمىس ٸستەيتٸن حيرۋرگ بلوگەر ازامات سەرسەنباەۆقا سۇحبات بەرٸپ, ناۋقاس بالانىڭ ەكەسٸمەن اراداعى جانجالعا قاتىستى ٶز ۇستانىمىن بٸلدٸردٸ.
20 جىلدان استام ەڭبەك ٶتٸلٸ بار دەرٸگەردٸڭ ايتۋىنشا, ونى بالانىڭ اپپەنديتسيتٸن دەر كەزٸندە انىقتامادى دەپ ايىپتاپ جاتىر. الايدا قانات يسمايل ناۋقاستى العاش قابىلداعان كەزدە بار بولعانى 15 مينۋتتاي قاراعانىن ايتادى.
«بالانى نەبەرٸ 15 مينۋت كٶردٸم»
حيرۋرگتٸڭ سٶزٸنشە, 19 قازاندا ساعات 16:51 شاماسىندا قابىلداۋ بٶلٸمٸنە ناۋقاس بالا جەتكٸزٸلگەن. بۇل ونىڭ جۇمىس اۋىسىمى اياقتالۋعا جاقىن ۋاقىت بولعان.
«مەن وبلىستىق بالالار اۋرۋحاناسىنىڭ قابىلداۋ بٶلٸمٸندە حيرۋرگ بولىپ جۇمىس ٸستەيمٸن. حيرۋرگييالىق تەجٸريبەم 20 جىلدان اسادى. مەنٸ اپپەنديتسيتتٸ انىقتامادى دەپ ايىپتاپ وتىر. ال مەن بۇل بالانى نەبەرٸ 15 مينۋتتاي عانا كٶردٸم», – دەدٸ قانات يسمايل.
دەرٸگەر بالانى العاشقى قاراۋدان كەيٸن قاجەتتٸ تەكسەرۋلەردٸ تاعايىنداپ, ونى كەلەسٸ كەزەكشٸ دەرٸگەرلەر توبىنا تاپسىرعانىن ايتتى.
ونىڭ سٶزٸنشە, ودان كەيٸن ناۋقاستىڭ ەمدەۋ پروتسەسٸنە قاتىسپاعان.
سونداي-اق حيرۋرگ بالانىڭ كەيٸن جاسالعان وپەراتسيياسىنا قاتىسقانى تۋرالى اقپاراتتى جوققا شىعاردى.
«ەكەسٸ ماعان تاپ بەردٸ»
قانات يسمايل بالانىڭ اۋرۋحاناعا قايتا جەتكٸزٸلگەن كەزٸندەگٸ جاعدايدى دا تٷسٸندٸردٸ.
ونىڭ ايتۋىنشا, بۇل ۋاقىتتا بالاعا وپەراتسييا جاسالىپ قويعان. قايتا قارالۋ بارىسىندا دەرٸگەرلەر قاجەتتٸ تالداۋلار مەن رەنتگەنولوگييالىق تەكسەرۋدٸ شامامەن جارتى ساعات ٸشٸندە ٶتكٸزگەن.
حيرۋرگ ناۋقاستىڭ ەكەسٸنە بالاسىنىڭ جاعدايىن تٷسٸندٸرمەك بولعان كەزدە جانجال تۋىنداعانىن مەلٸمدەدٸ.
«30 مينۋت ٸشٸندە بارلىق قاجەتتٸ تەكسەرۋدٸ جٷرگٸزدٸك. تالداۋلار الىندى, رەنتگەن جاسالدى. مەن ەكەسٸنە بالانىڭ بۇرىن وپەراتسييا بولعانىن, قازٸرگٸ جاعدايىنىڭ سەبەبٸ حيرۋرگييالىق ەمەس, باسقا اۋرۋلارمەن دە بايلانىستى بولۋى مٷمكٸن ەكەنٸن تٷسٸندٸرمەك بولدىم. سول كەزدە ول ماعان تاپ بەردٸ. مەن ونىمەن ۇرىسىپ تا, جانجالداسىپ تا تۇرعان جوقپىن», – دەدٸ دەرٸگەر.
حيرۋرگتٸڭ ايتۋىنشا, مەديتسينالىق قىزمەتكەرلەردٸڭ ەرەكەتتەرٸ دەنساۋلىق ساقتاۋ مينيسترلٸگٸ بەكٸتكەن تالاپتار مەن حاتتامالارعا سەيكەس جٷرگٸزٸلگەن.
«وسىنداي جاعدايدان كەيٸن جۇمىس ٸستەۋگە قۇلشىنىسىڭ جوعالادى»
قانات يسمايل بولعان وقيعانىڭ ٶزٸنە پسيحولوگييالىق تۇرعىدان اۋىر تيگەنٸن جاسىرمادى.
دەرٸگەر 20 جىلدان استام ۋاقىت بويى كٶپتەگەن بالانى ەمدەگەنٸن, الايدا بٸر جاعدايدىڭ جىلدار بويعى ەڭبەگٸنە كٶلەڭكە تٷسٸرگەنٸنە قىنجىلاتىنىن ايتتى.
«بٸر سوققىمەن سەنٸڭ بار ەڭبەگٸڭ مەن بٸلٸمٸڭدٸ جوققا شىعارعانىن تٷسٸنۋ ٶتە اۋىر. بٸز مۇندا كٷندٸز-تٷنٸ, كەيدە تەۋلٸك بويى جۇمىس ٸستەيمٸز. ناۋقاس بالالار كٶپ, ەرقايسىسىنا كٶمەكتەسۋگە تىرىسامىز. بٸراق وسىنداي قارىم-قاتىناستان كەيٸن قولىڭنان ەشتەڭە كەلمەي قالعانداي سەزٸنەسٸڭ. بۇدان كەيٸن قالاي جۇمىس ٸستەپ, ادامداردىڭ جٷزٸنە قارايسىڭ?» – دەدٸ حيرۋرگ.
ول ٸش اۋرۋىمەن جەتكٸزٸلگەن بالالاردىڭ بارلىعىندا بٸردەي اپپەنديتسيت انىقتالمايتىنىن دا تٷسٸندٸردٸ.
سوندىقتان حيرۋرگييالىق ارالاسۋ تۋرالى شەشٸم قابىلداماس بۇرىن بالانى تولىق تەكسەرٸپ, وپەراتسييا جاساۋعا ناقتى مەديتسينالىق كٶرسەتٸلٸم بار-جوعىن انىقتاۋ قاجەت ەكەنٸن اتاپ ٶتتٸ.
اۋرۋحانا دەرٸگەردٸڭ ەرەكەتٸنەن زاڭبۇزۋشىلىق انىقتاماعان
بۇعان دەيٸن ماڭعىستاۋ وبلىسىنىڭ دەنساۋلىق ساقتاۋ باسقارماسى وقيعاعا قاتىستى تٷسٸنٸكتەمە بەرگەن بولاتىن.
ۆەدومستۆونىڭ مەلٸمەتٸنشە, 31 قازاندا قابىلداۋ بٶلٸمٸندە بولعان جانجالعا بايلانىستى بەينەباقىلاۋ كامەرالارىنىڭ جازبالارى زەرتتەلگەن.
ٸشكٸ تەكسەرۋ نەتيجەسٸندە حيرۋرگتٸڭ تاراپىنان مەديتسينالىق ەتيكا تالاپتارىن بۇزۋ نەمەسە جانجالعا ارانداتۋ ەرەكەتتەرٸ انىقتالماعان.
ال بالانىڭ ەكەسٸ بۇعان دەيٸن دەرٸگەردٸڭ قارىم-قاتىناسىنا كٶڭٸلٸ تولماعانىن ايتىپ, جانجالدىڭ تۋىنداۋىن ٶز كٶزقاراسى تۇرعىسىنان تٷسٸندٸرگەن.
وقيعادان كەيٸن ەر ادام ۇستالىپ, قىلمىستىق ٸس قوزعالدى.
قازٸرگٸ ۋاقىتتا بولعان جاعدايعا قاتىستى تەرگەۋ جٷرگٸزٸلٸپ جاتىر. كٷدٸكتٸنٸڭ ەرەكەتٸنە تٷپكٸلٸكتٸ قۇقىقتىق باعانى تەرگەۋ ورگاندارى مەن سوت بەرەدٸ.
