بىرىككەن ۇلتتار ۇيىمى ۋكراينا مەن رەسەي اراسىنداعى شيەلەنىستى باسەڭدەتىپ، جاعدايدى بەيبىت جولمەن شەشۋگە شاقىراتىنىن ايتتى، دەپ حابارلايدى Dalanews.kz.

بۇل جايىندا بۇۇ باس حاتشىسىنىڭ وكىلى ستەفان ديۋجارريك مالىمدەدى.

ريا نوۆوستي مالىمەتىنشە، ديۋجارريك رەسەيدىڭ ورتا قاشىقتاعى "ورەشنيك" اتتى جاڭا بالليستيكالىق زىمىرانىن ۇشىرۋىن” تاعى ءبىر ۇرەي تۋدىراتىن جانە ارانداتۋعا جول اشاتىن وقيعا" دەپ اتاعان. 

“قازىرگى احۋال تەرىس باعىتتا ءورشىپ بارادى. ءبىز بارلىق تاراپتى شيەلەنىستى باسەڭدەتۋ ءۇشىن شۇعىل شارالار قابىلداۋعا شاقىرامىز. قاقتىعىس باس اسسامبلەيانىڭ قارارلارى، حالىقارالىق قۇقىق نورمالارى جانە اۋماقتىق تۇتاستىق پرينسيپتەرى نەگىزىندە اياقتالۋى قاجەت”، – دەپ اتاپ ءوتتى بۇۇ وكىلى.

ەسكە سالايىق، كۇنى كەشە رەسەي پرەزيدەنتى ۆلاديمير پۋتين ۋكرايناداعى قاقتىعىستىڭ عالامدىق سيپاتقا يە بولعانىن مالىمدەگەن ەدى.

وسىلايشا رەسەي پرەزيدەنتى ۋكراينامەن قازىرگى قارىم-قاتىناستىڭ جاعدايىن سيپاتتادى. بۇعان دەيىن ول ۋكراينا 19 جانە 21 قاراشادا كۋرسك جانە بريانسك وبلىستارىنداعى نىساندارعا باتىستىق زىمىراندارمەن سوققى جاساعانىن راستاعان ەدى.

ونىڭ ايتۋىنشا، رەسەي كۇشتەرى بۇعان جاۋاپ رەتىندە سوققى بەرگەن، ونىڭ ىشىندە تاجىريبەلىك قارۋ قولدانىلعان. رف “ورەشنيك” يادرولىق ەمەس گيپەردىبىستىق بالليستيكالىق زىمىرانمەن وڭتۇستىك ماشينا جاساۋ زاۋىتىنا جانە ۋكراينانىڭ قورعانىس-ونەركاسىپتىك كەشەنىنىڭ نىسانىنا بىرىكتىرىلگەن سوققى جاساعان.

پۋتين رەسەي ەسكالاسياعا جاۋاپ بەرەتىنىن جانە ءوزىنىڭ نىساندارىنا شەتەلدىك قارۋدى قولدانۋعا رۇقسات بەرگەن ەلدەردىڭ نىساندارىنا قارۋ قولدانۋعا قۇقىعى بار دەپ ەسەپتەيتىنىن اتاپ ءوتتى.

سونىمەن قاتار، ول رەسەي “ورەشنيك” سياقتى جۇيەلەرمەن سوققى جاسايتىن كەزدە ۋكراينانىڭ بەيبىت تۇرعىندارىنا ءقاۋىپتى ايماقتى الدىن الا تاستاپ شىعۋدى ۇسىناتىنىن ايتتى.

قورىتا ايتقاندا پۋتين مالىمدەمەسىندە: 

• "ۋكراينا باتىستىڭ الىستى كوزدەيتىن زىمىراندارىمەن رەسەيگە سوققى جاسادى"
• "كۋرسكى جانە بريانسكى وبلىستارىنا قاراتا امەريكالىق ATACMS-تار اتىلدى. ءبىراق ولار كوزدەگەن ماقساتتارىنا جەتپەدى. ءبىزدىڭ ءاشققج قاعىپ ءتۇسىردى"
• "ونان سوڭ ۇلىبريتانيانىڭ الىستى كوزدەيتىن Storm Shadow زىمىراندارى اتىلدى. ولار دا ناتيجەسىز بولدى"
• "ماماندار بىلەدى. بۇل زىمىرانداردى باتىستىڭ، ءوندىرۋشى ەلدىڭ كومەگىنسىز اتۋ مۇمكىن ەمەس"
• "ءبىز ەسكەرتتىك. العاش رەت زاماناۋي ءھام تەڭدەسسىز كونتينەنتارالىق “ورەشنيك” باليستيكالىق زىمىرانىمەن ۋكراينانىڭ دنەپرىنە سوققى جاسادىق. بۇل ءبىزدىڭ جاۋابىمىز!"
• "ءبىز وسى جانە وسىنداي جاڭا ءارى زاماناۋي زىمىرانداردى قولداناردا حالىققا الدىن الا ەسكەرتەمىز!"
• "بۇل جولى ءبىز يادرولىق وقتۇمسىقتار قولدانبادىق"