Birikken Ulttar Uiymy Ýkraina men Resei arasyndaǵy shielenisti báseńdetip, jaǵdaidy beibit jolmen sheshýge shaqyratynyn aitty, dep habarlaidy Dalanews.kz.
Bul jaiynda BUU bas hatshysynyń ókili Stefan Diýjarrik málimdedi.
Ria Novosti málimetinshe, Diýjarrik Reseidiń orta qashyqtaǵy "Oreshnik" atty jańa ballistikalyq zymyranyn ushyrýyn” taǵy bir úrei týdyratyn jáne arandatýǵa jol ashatyn oqiǵa" dep ataǵan.
“Qazirgi ahýal teris baǵytta órship barady. Biz barlyq tarapty shielenisti báseńdetý úshin shuǵyl sharalar qabyldaýǵa shaqyramyz. Qaqtyǵys Bas Assambleianyń qararlary, halyqaralyq quqyq normalary jáne aýmaqtyq tutastyq printsipteri negizinde aiaqtalýy qajet”, – dep atap ótti BUU ókili.
Eske salaiyq, kúni keshe Resei prezidenti Vladimir Pýtin Ýkrainadaǵy qaqtyǵystyń ǵalamdyq sipatqa ie bolǵanyn málimdegen edi.
Osylaisha Resei prezidenti Ýkrainamen qazirgi qarym-qatynastyń jaǵdaiyn sipattady. Buǵan deiin ol Ýkraina 19 jáne 21 qarashada Kýrsk jáne Briansk oblystaryndaǵy nysandarǵa batystyq zymyrandarmen soqqy jasaǵanyn rastaǵan edi.
Onyń aitýynsha, Resei kúshteri buǵan jaýap retinde soqqy bergen, onyń ishinde tájiribelik qarý qoldanylǵan. RF “Oreshnik” iadrolyq emes giperdybystyq ballistikalyq zymyranmen Ońtústik mashina jasaý zaýytyna jáne Ýkrainanyń qorǵanys-ónerkásiptik kesheniniń nysanyna biriktirilgen soqqy jasaǵan.
Pýtin Resei eskalatsiiaǵa jaýap beretinin jáne óziniń nysandaryna sheteldik qarýdy qoldanýǵa ruqsat bergen elderdiń nysandaryna qarý qoldanýǵa quqyǵy bar dep esepteitinin atap ótti.
Sonymen qatar, ol Resei “Oreshnik” siiaqty júielermen soqqy jasaityn kezde Ýkrainanyń beibit turǵyndaryna qaýipti aimaqty aldyn ala tastap shyǵýdy usynatynyn aitty.
Qoryta aitqanda Pýtin málimdemesinde:
- "Ýkraina Batystyń alysty kózdeitin zymyrandarymen Reseige soqqy jasady"
- "Kýrski jáne Brianski oblystaryna qarata amerikalyq ATACMS-tar atyldy. Biraq olar kózdegen maqsattaryna jetpedi. Bizdiń ÁShQQJ qaǵyp túsirdi"
- "Onan soń Ulybritaniianyń alysty kózdeitin Storm Shadow zymyrandary atyldy. Olar da nátijesiz boldy"
- "Mamandar biledi. Bul zymyrandardy Batystyń, óndirýshi eldiń kómeginsiz atý múmkin emes"
- "Biz eskerttik. Alǵash ret zamanaýi hám teńdessiz kontinentaralyq “Oreshnik” balistikalyq zymyranymen Ýkrainanyń Dneprine soqqy jasadyq. Bul bizdiń jaýabymyz!"
- "Biz osy jáne osyndai jańa ári zamanaýi zymyrandardy qoldanarda halyqqa aldyn ala eskertemiz!"
- "Bul joly biz iadrolyq oqtumsyqtar qoldanbadyq"
