تۇركىستان وبلىسىندا ينۆەستيسيا تارتۋ ارقىلى جاڭا جۇمىس ورىندارىن اشۋ باعىتىندا جۇمىستار جاندانىپ كەلەدى. وسى باعىتتا ورداباسى اۋدانى «بادام» يندۋستريالدى ايماعىندا جاڭا ينۆەستيسيالىق جوبالاردىڭ قۇرىلىسى باستالعان بولاتىن. وبلىس اكىمى دارحان ساتىبالدى ورداباسى اۋدانىنا ارنايى ىسساپارمەن بارىپ، اليۋمينيي پروفيل بۇيىمدارىن شىعاراتىن «Central Asia Aluminum Company» ءجشس-ىن ارالاپ، جۇمىس بارىسىن باقىلادى. زاۋىتتىڭ قۇرىلىسىمەن تانىسقان ءوڭىر باسشىسى كاسىپكەرلەرمەن پىكىرلەستى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– ءبىزدىڭ وڭىردە جۇمىس ورىندارىن اشۋ ماڭىزدى. سول سەبەپتى وڭىردە ىسكە قوسىلعان ءاربىر زاۋىت ءوڭىر ەكونوميكاسىنىڭ دامۋىنا ۇلەس قوسادى. سوندىقتان ينۆەستيسيالىق جوبالارعا تۇراقتى قولداۋ كورسەتىلەدى. وسى زاۋىتتاردا ءبىزدىڭ تۇرعىندار جۇمىس ىستەيدى، – دەدى دارحان ساتىبالدى.
بادام يندۋستريالدى ايماعىندا «سentral اsia اluminum company» كومپانياسىنىڭ اليۋمينيي پروفيل بۇيىمدارىن ءوندىرۋ زاۋىتىنىڭ قۇرىلىسى جۇرگىزىلۋدە. جوبانىڭ ينۆەستيسيالىق قۇنى 4 ملرد. 400 ملن.تەڭگە، جوبانىڭ ءبىرىنشى كەزەڭى 2025 جىلدىڭ ناۋرىز ايىندا ىسكە قوسىلىپ، 200 جەرگىلىكتى تۇرعىندى جۇمىسپەن قامتيدى. جىلدىق قۋاتتىلىعى – 10 مىڭ توننا. ال ەكىنشى كەزەڭى ىسكە قوسىلعاندا 150 جۇمىس ورنى اشىلماق.
ءىسساپار اياسىندا بادام اۋىلىنداعى «RZN» ءجشس-نىڭ اۆتوكلابتالعان گازوبلوك شىعاراتىن زاۋىتىنىڭ جۇمىسىمەن تانىستى. جوبانىڭ ينۆەستيسيالىق قۇنى 1 ملرد. 500 ملن. تەڭگەنى. قۇرايدى، ال قۋاتىلىعى جىلىنا 85 مىڭ تەكشە مەتر. جوبا تولىقتاي ىسكە اسقان كەزدە 25 ادام جۇمىسپەن قامتىلادى. جەر اۋماعى – 3 گەكتار.
ءوڭىر باسشىسىنا بالالار ويىن الاڭشالارىن شىعاراتىن زاۋىت پەن يننوۆاسيالىق تەمىربەتون شىعارۋ زاۋىتىنىڭ، مەتالل ونىمدەرىن ءوندىرۋ جوباسىنىڭ قۇرىلىس بارىسى تانىستىرىلدى. بۇل كاسىپورىنداردا 100-گە جۋىق جۇمىس ورنى قۇرىلماق.
اۋدانداعى زاۋىتتاردى ارالاپ كورگەن وبلىس اكىمى مەملەكەت تاراپىنان ۇسىنىلعان جەر ۋاقتىلى يگەرىلىپ، كاسىپورىندار ءوز مەرزىمىندە اشىلۋى كەرەك ەكەنىن جەتكىزدى. سونىمەن بىرگە يندۋستريالدى ايماقتى اباتتاندىرىپ، كوگالداندىرۋ قاجەتتىگىن، جەرگىلىكتى تۇرعىنداردى ۇيرەتىپ، جۇمىسقا تارتۋ كەرەكتىگىن ەسكەرتتى.
