بۇگىن قازىعۇرت اۋدانىندا 25 قازان – رەسپۋبليكا كۇنىنە وراي جازۋشى، دراماتۋرگ، مەملەكەت جانە قوعام قايراتكەرى، «قۇرمەت بەلگىسى» وردەنىنىڭ يەگەرى، اۋداننىڭ قۇرمەتتى ازاماتى بولعان قالاۋبەك تۇرسىنقۇلوۆتىڭ 90 جىلدىعىنا ارنالعان «قازىعۇرت بەرەكە، بىرلىك باستاۋى» اتتى رەسپۋبليكالىق اقىندار ايتىسى ءوتتى.
جىر سايىسىنا رەسپۋبليكانىڭ ءار وڭىرىنەن كەلگەن وت اۋىزدى، وراق ءتىلدى 10 اقىن قاتىستى. ولار ايتىس ونەرى ارقىلى ەلىمىزدىڭ ەگەمەندىگى مەن تاۋەلسىزدىك جىلدارىنداعى جەتىستىكتەرىن، ۇلتتار مەن ۇلىستاردىڭ مىزعىماس تاتۋلىعى مەن دوستىعىن، قازاق حالقىنىڭ ءسالت-داستۇرى مەن ادەت-عۇرپىن، تۇرلەنگەن، گۇلدەنگەن تۇركىستاندى جانە كيەلى قازىعۇرت ءوڭىرىن جىرعا قوسىپ كەڭىنەن ناسيحاتتادى.
بۇل ءسوز بايگەسىنە ايتىسكەر اقىن، سازگەر، جۋرناليست بەكجان اشىربايەۆ، اقىن، ق ر مادەنيەت سالاسىنىڭ ۇزدىگى، «قازىق جۇرت» جىر جيناعىنىڭ اۆتورى، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ مۇشەسى بەكمۇرات اناربايەۆ، اقىن، ءداستۇرلى انشى-تەرمەشى، ق ر مادەنيەت سالاسىنىڭ ۇزدىگى ايازبەك رۋستاموۆ، قازاقستان جۋرناليستەر وداعىنىڭ، قازىعۇرت اۋداندىق قوعامدىق كەڭەستىڭ مۇشەسى، اۋداننىڭ قۇرمەتتى ازاماتى رايىمبەك ايتۋباي قازىلىق ەتتى.
الامان ايتىسقا اۋدان اكىمى ازيزحان يسمايلوۆ ارنايى قاتىتى. بارشا قوناقتار مەن كورەرمەندەردى، اقىنداردى مەرەيلى مەرەكەمەن قۇتتىقتادى. سونداي-اق، ايتىس ونەرىنىڭ دارەجەسى بيىك، تەڭدەسسىز تالانتتى تالاپ ەتەتىنىن سوزگە تيەك ەتىپ، اقىندارعا ساتتىلىك تىلەدى.
قازىلار القاسىنىڭ شەشىمىمەن قاراعاندى وبلىسىنان كەلگەن ماقسات احانوۆ باس جۇلدەنى يەمدەنسە، جۇلدەلى ءى ورىن تۇركىستان قالاسىنان كەلگەن بەكارىس شويبەكوۆكە بۇيىردى. جۇلدەلى ءىى ورىندى الماتى وبلىسىنىڭ اقىنى ايىم اميرحانوۆا، ءىىى ورىندى استانا قالاسىنان يران-عايىپ كۇزەمبايەۆ،
قىزىلوردا وبلىسىنان نۇرمات مانسۇر جانە الماتى قالاسىنان نۇرزات قارۋ ەنشىلەدى. ال تۇركىستان وبلىسىنان كەلگەن نۇرلىبەك مەيىرمانوۆ، نۇرماحان جاقىپبەك، شىمكەنت قالاسىنان مەيىرجان جارىلقاپ جانە قازىعۇرت اۋدانىنىڭ اقىنى ەراسىل جاقسىبەك اۋدان اكىمىنىڭ جانە باسقا دا ارنايى جۇلدەلەرمەن ماراپاتتالدى.
تۇركىستان وبلىسى مادەنيەت باسقارماسىنىڭ باسپا ءسوز قىزمەتى
