قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆتٸڭ تٶراعالىعىمەن سۋ كەڭەسٸنٸڭ وتىرىسى ٶتتٸ. وندا مەملەكەت باسشىسىنىڭ «ەدٸلەتتٸ قازاقستان: زاڭ مەن تەرتٸپ, ەكونوميكالىق ٶسٸم, قوعامدىق وپتيميزم» اتتى قازاقستان حالقىنا جولداۋىندا جەنە ٷكٸمەتتٸڭ 7 اقپاندا ٶتكەن سۋ قولجەتٸمدٸلٸگٸ مەن ساپاسى مەسەلەلەرٸن شەشۋ ٷشٸن سۋ رەسۋرستارىن باسقارۋ جٷيەسٸن ترانسفورماتسييالاۋ جٶنٸندەگٸ كەڭەيتٸلگەن وتىرىسىندا بەرٸلگەن تاپسىرمالارىنىڭ ورىندالۋ بارىسى قارالدى,- دەپ حابارلايدى Dalanews.kz.
سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆتٸڭ نەگٸزگٸ جۇمىس باعىتتارى بويىنشا بايانداماسى تىڭدالدى. ولاردىڭ قاتارىندا گيدروتەحنيكالىق قۇرىلىستاردى سالۋ جەنە جاڭعىرتۋ, سۋ ٷنەمدەۋ تەحنولوگييالارىن ەنگٸزۋ, سۋدى نورماتيۆتەن ارتىق تۇتىنۋعا بايلانىستى تاريفتٸك ساياسات, سۋ تاسقىنىن بولجاۋ جەنە مودەلدەۋ, سونداي-اق زاڭنامالىق بازانى جەتٸلدٸرۋ, كادرمەن قامتاماسىز ەتۋ جەنە ماماندار بٸلٸكتٸلٸگٸن ارتتىرۋ مەسەلەلەرٸ بار.
ەلٸمٸزدٸڭ سۋ رەسۋرستارى ەلەۋەتٸن دامىتۋ جەنە باسقارۋ جٷيەسٸن جاڭعىرتۋ ماقساتىندا سۋ كودەكسٸنٸڭ جوباسى ەزٸرلەندٸ, قۇجات پارلامەنت مەجٸلٸسٸنٸڭ قاراۋىندا جاتىر. ەلٸمٸزدەگٸ سۋ رەسۋرستارىن سارقىلۋدان جەنە لاستانۋدان قورعاۋعا, سۋدى ٷنەمدەيتٸن زاماناۋي تەحنولوگييالاردى ەنگٸزۋگە جەنە سۋ سالاسىنداعى قۇقىق بۇزۋشىلىقتار ٷشٸن جاۋاپكەرشٸلٸكتٸ كٷشەيتۋگە باسا نازار اۋدارىلدى.
قازاقستان رەسپۋبليكاسى سۋ سالاسىن دامىتۋدىڭ 2024 – 2028 جىلدارعا ارنالعان كەشەندٸ جوسپارى شەڭبەرٸندە 42 جاڭا سۋ قويماسىن سالۋ, 37 گيدروتەحنيكالىق قۇرىلىستى رەكونسترۋكتسييالاۋ, سونداي-اق 14 مىڭ شاقىرىمعا جۋىق سۋارۋ ارنالارىن سالۋ جەنە رەكونسترۋكتسييالاۋ كٶزدەلگەن. بٸرٸنشٸ كەزەڭدە 2025 جىلدان باستاپ 11 جوبانى سالۋ جەنە رەكونسترۋكتسييالاۋ, التى وبلىستاعى 3452 شاقىرىم يرريگاتسييالىق ارنالاردى جاڭعىرتۋ جەنە استانا قالاسىن تولىقتىرۋ ٷشٸن قۇرىلىس سالۋ كٶزدەلگەن.
شارۋالاردى سۋ ٷنەمدەۋ تەحنولوگييالارىنا كٶشۋگە ىنتالاندىرۋ ماقساتىندا ينۆەستيتسييالىق سۋبسيدييالاۋ ەرەجەلەرٸنە ٶزگەرٸستەر ەنگٸزٸلدٸ. وسىلايشا, سۋ ٷنەمدەۋ تەحنولوگييالارىن ساتىپ الۋ جەنە ورناتۋ شىعىندارىن ٶتەۋ ٷلەسٸ 50%-دان 80%-عا دەيٸن ۇلعايتىلدى. ينفراقۇرىلىمدى جٷرگٸزۋ كەزٸندە شارۋالاردىڭ ۇڭعىمالاردى بۇرعىلاۋعا جۇمساعان شىعىندارىن ٶتەۋ ٷلەسٸن 50%-دان 80%-عا دەيٸن ارتتىرۋ كٶزدەلگەن.
