Qazaqstan Respýblikasynyń premer-ministri Oljas Bektenovtiń tóraǵalyǵymen Sý keńesiniń otyrysy ótti. Onda Memleket basshysynyń «Ádiletti Qazaqstan: zań men tártip, ekonomikalyq ósim, qoǵamdyq optimizm» atty Qazaqstan halqyna Joldaýynda jáne Úkimettiń 7 aqpanda ótken sý qoljetimdiligi men sapasy máselelerin sheshý úshin sý resýrstaryn basqarý júiesin transformatsiialaý jónindegi keńeitilgen otyrysynda berilgen tapsyrmalarynyń oryndalý barysy qaraldy,- dep habarlaidy Dalanews.kz.
Sý resýrstary jáne irrigatsiia ministri Nurjan Nurjigitovtiń negizgi jumys baǵyttary boiynsha baiandamasy tyńdaldy. Olardyń qatarynda gidrotehnikalyq qurylystardy salý jáne jańǵyrtý, sý únemdeý tehnologiialaryn engizý, sýdy normativten artyq tutynýǵa bailanysty tariftik saiasat, sý tasqynyn boljaý jáne modeldeý, sondai-aq zańnamalyq bazany jetildirý, kadrmen qamtamasyz etý jáne mamandar biliktiligin arttyrý máseleleri bar.
Elimizdiń sý resýrstary áleýetin damytý jáne basqarý júiesin jańǵyrtý maqsatynda Sý kodeksiniń jobasy ázirlendi, qujat Parlament Májilisiniń qaraýynda jatyr. Elimizdegi sý resýrstaryn sarqylýdan jáne lastanýdan qorǵaýǵa, sýdy únemdeitin zamanaýi tehnologiialardy engizýge jáne sý salasyndaǵy quqyq buzýshylyqtar úshin jaýapkershilikti kúsheitýge basa nazar aýdaryldy.
Qazaqstan Respýblikasy sý salasyn damytýdyń 2024 – 2028 jyldarǵa arnalǵan keshendi jospary sheńberinde 42 jańa sý qoimasyn salý, 37 gidrotehnikalyq qurylysty rekonstrýktsiialaý, sondai-aq 14 myń shaqyrymǵa jýyq sýarý arnalaryn salý jáne rekonstrýktsiialaý kózdelgen. Birinshi kezeńde 2025 jyldan bastap 11 jobany salý jáne rekonstrýktsiialaý, alty oblystaǵy 3452 shaqyrym irrigatsiialyq arnalardy jańǵyrtý jáne Astana qalasyn tolyqtyrý úshin qurylys salý kózdelgen.
Sharýalardy sý únemdeý tehnologiialaryna kóshýge yntalandyrý maqsatynda Investitsiialyq sýbsidiialaý erejelerine ózgerister engizildi. Osylaisha, sý únemdeý tehnologiialaryn satyp alý jáne ornatý shyǵyndaryn óteý úlesi 50%-dan 80%-ǵa deiin ulǵaityldy. Infraqurylymdy júrgizý kezinde sharýalardyń uńǵymalardy burǵylaýǵa jumsaǵan shyǵyndaryn óteý úlesin 50%-dan 80%-ǵa deiin arttyrý kózdelgen.
