Búgin Qazaqstannyń birqatar óńirinde daýyldy eskertý jariialandy, dep habarlaidy dalanews.kz.
Eldiń soltústigi men ortalyq óńirlerinde aýa raiy qubylmaly bolady. Soltústik Qazaqstan oblysy aýmaǵynda túnde jańbyr jaýyp, naizaǵai oinaidy, jel kúsheiedi. Kei jerlerde tuman túsedi. Petropavlda da osyǵan uqsas jaǵdai saqtalady.
Ulytaý oblysy men Qaraǵandy oblysy óńirlerinde kúndiz ótkinshi jańbyr jaýyp, naizaǵai bolady. Jeldiń ekpini 15–20 m/s-qa deiin jetedi. Sonymen qatar Jezqazǵan men Qaraǵandyda órt qaýpi joǵary deńgeide saqtalyp otyr.
Batys óńirlerde de kún raiy turaqsyz. Batys Qazaqstan oblysy aýmaǵynda kei jerlerde nóser jańbyr jaýyp, burshaq túsýi múmkin. Jel ekpini 23 m/s-qa deiin kúsheiedi. Oral qalasynda da jańbyr men naizaǵai kútiledi.
Pavlodar oblysy men Aqtóbe oblysy aimaqtarynda jańbyr jaýyp, naizaǵai oinaidy, kei jerlerde burshaq bolýy yqtimal. Jeldiń ekpini 15–23 m/s-qa deiin jetedi.
Mańǵystaý oblysy aýmaǵynda jańbyrmen birge tuman túsedi. Aqtaýda túngi jáne tańǵy ýaqytta kóriný nasharlaidy.
Qostanai oblysy óńirinde de jańbyr men naizaǵai kútiledi. Kúndiz burshaq jaýýy múmkin, al tańerteń tuman túsý yqtimaldyǵy bar.
Astanada túnde jáne tańerteń jańbyr jaýyp, naizaǵai bolady.
Atyraý oblysy aýmaǵynda da jańbyr men naizaǵai boljanyp otyr. Kei jerlerde nóser, burshaq jáne ekpindi jel kútiledi.
Ońtústik óńirlerde de turaqsyzdyq baiqalady. Qyzylorda oblysy aýmaǵynda jańbyrmen qatar shańdy daýyl turýy múmkin. Al Túrkistan oblysy men Jambyl oblysy taýly aýdandarynda ótkinshi jańbyr men naizaǵai bolady.
Shyǵys pen ońtústik-shyǵysta órt qaýpi joǵary. Abai oblysy, Almaty oblysy jáne Qonaev qalasy aýmaǵynda qurǵaqshylyq saqtalyp otyr. Almatynyń taýly bóliginde azdaǵan jańbyr jaýady.
Al Shyǵys Qazaqstan oblysy shyǵysynda túnde úsik júrýi múmkin. Aqmola oblysy aýmaǵynda jańbyr jaýyp, jel kúsheiedi, kei jerlerde tuman túsedi.
Jalpy, sinoptikter aldaǵy táýlikte eldiń basym bóliginde jel kúsheiip, jaýyn-shashyn jiileitinin eskertedi. Sondyqtan turǵyndarǵa saq bolyp, aýa raiynyń qolaisyzdyǵyn eskerip áreket etý usynylady.
