ازاماتتىق نەكەدەگٸ ەيەلٸ سالتانات نٷكەنوۆانى ٶلتٸرگەنٸ ٷشٸن 24 جىلعا سوتتالعان قۋاندىق بيشٸمباەۆتىڭ بۇرىنعى ەيەلٸ نازىم قاھارمان كٶپشٸلٸككە وتباسىلىق ٶمٸرٸ جايلى كٸتاپ جازىپ جاتقانىن مەلٸمدەدٸ, دەپ حابارلايدى Dalanews.kz.
“بۇل كٸتاپتا ٶزٸم جايلى باياندايمىن. سونىمەن قاتار بٸرٸنشٸ نەكەم تۋرالى جەنە قالاي اجىراسقانىم جايلى جازامىن. كٸتاپتا كەيبٸر كەيٸپكەرلەر دە بار. كٸتاپتىڭ ەكٸ تاراۋى اياقتالدى”, - دەدٸ ول Instagarm-داعى پاراقشاسىندا.
ايتا كەتەيٸك, نازىم قاھارمان مەن قۋاندىق بيشٸمباەۆ 14 جىل وتاسقان, رەسمي نەكەدە بولعان. ولاردىڭ 3 بالاسى بار. ەرلٸ-زايىپتى 2020 جىلى, ەكس-مينيستر بۇرىنعى قىلمىستىق ٸسٸ بويىنشا كولونييادان بوساعاننان كەيٸن بٸر جىل ٶتكەن سوڭ اجىراسقان.
قايعىلى وقيعادان كەيٸن بلوگەر بالالارىنىڭ تەگٸن ٶزگەرتكٸسٸ كەلەتٸنٸ تۋرالى ايتقان ەدٸ.
ەسكە سالايىق, استانا قالاسىنىڭ مامانداندىرىلعان اۋدانارالىق سوتىندا قۋاندىق بيشٸمباەۆقا قاتىستى قىلمىستىق ٸس بويىنشا بٸرنەشە سوت وتىرىسى ٶتتٸ. ونى دٷيٸم جۇرت جوعارعى سوتتىڭ YouTube كانالىنان ونلاين تاماشالادى.
13 مامىردا بيشٸمباەۆ ٸسٸ بويىنشا ٷكٸم شىققان بولاتىن. القابيلەر شەشٸمٸ بويىنشا, بيشٸمباەۆ 24 جىلعا, بايجانوۆ 4 جىلعا باس بوستاندىعىنان ايىرىلدى.
