Azamattyq nekedegi áieli Saltanat Núkenovany óltirgeni úshin 24 jylǵa sottalǵan Qýandyq Bishimbaevtyń burynǵy áieli Nazym Qaharman kópshilikke otbasylyq ómiri jaily kitap jazyp jatqanyn málimdedi, dep habarlaidy Dalanews.kz.
“Bul kitapta ózim jaily baiandaimyn. Sonymen qatar birinshi nekem týraly jáne qalai ajyrasqanym jaily jazamyn. Kitapta keibir keiipkerler de bar. Kitaptyń eki taraýy aiaqtaldy”, - dedi ol Instagarm-daǵy paraqshasynda.
Aita keteiik, Nazym Qaharman men Qýandyq Bishimbaev 14 jyl otasqan, resmi nekede bolǵan. Olardyń 3 balasy bar. Erli-zaiypty 2020 jyly, eks-ministr burynǵy qylmystyq isi boiynsha koloniiadan bosaǵannan keiin bir jyl ótken soń ajyrasqan.
Qaiǵyly oqiǵadan keiin bloger balalarynyń tegin ózgertkisi keletini týraly aitqan edi.
Eske salaiyq, Astana qalasynyń mamandandyrylǵan aýdanaralyq sotynda Qýandyq Bishimbaevqa qatysty qylmystyq is boiynsha birneshe sot otyrysy ótti. Ony dúiim jurt Joǵarǵy sottyń YouTube kanalynan onlain tamashalady.
13 mamyrda Bishimbaev isi boiynsha úkim shyqqan bolatyn. Alqabiler sheshimi boiynsha, Bishimbaev 24 jylǵa, Baijanov 4 jylǵa bas bostandyǵynan aiyryldy.
