الماتى وبلىسى اۋىل شارۋاشىلىعىنىڭ قارقىندى دامۋى ەل ەكونوميكاسىنىڭ جەتەكشٸ كٷشتەرٸنٸڭ بٸرٸ ەكەنٸن تاعى دا دەلەلدەدٸ. بيىلعى اگرارلىق ماۋسىمدا ەگٸستٸك القاپتارىنىڭ كٶلەمٸ ازايعانىمەن, ٶنٸمدٸلٸك رەكوردتىق دەڭگەيگە جەتٸپ, جاڭا تەحنولوگييالار مەن يننوۆاتسييالىق جوبالاردىڭ ارقاسىندا سالاعا تىڭ سەرپٸن بەرٸلدٸ. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ اقپاراتتىق الاڭىندا اۋىل شارۋاشىلىعى باسقارماسى باسشىسىنىڭ ورىنباسارى دوسجان جٷزباەۆ مەلٸمدەدٸ, - دەپ حابارلايدى Dalanews.kz.
وبلىستاعى ەگٸستٸك كٶلەمٸ 419,5 مىڭ گەكتاردى قۇرادى. قازٸرگٸ تاڭدا ٶڭٸردەگٸ 132 مىڭ گەكتار القاپتان 357 مىڭ توننا ٶنٸم جينالدى.
اۋىل شارۋاشىلىعى باسقارماسىنىڭ دەرەگٸنشە, بيىل ەڭ كٶپ ەگٸلگەن داقىل - جٷگەرٸ. ەزٸرگە 107 مىڭ توننادان استام جٷگەرٸ جينالىپ, ايماق بۇل سالادا جوعارى كٶرسەتكٸشكە جەتٸپ وتىر.
“اۋىل شارۋاشىلىعىندا بيىل جاڭاشىل ەدٸستەردٸ كەڭٸنەن قولدانىپ, ٶنٸمدٸلٸكتٸ 30%-عا دەيٸن ارتتىرۋعا قول جەتكٸزدٸك. بۇل -وبلىسىمىزدىڭ اۋىل شارۋاشىلىعى سالاسىنداعى جەتٸستٸكتەرٸنٸڭ بٸر عانا بٶلٸگٸ”, - دەدٸ دوسجان جٷزباەۆ.
وبلىستا مال شارۋاشىلىعى سالاسى دا ايتارلىقتاي دامىپ كەلەدٸ. ٸرٸ قارا مال سانى 609,6 مىڭ باسقا جەتسە, ۇساق مال سانى 2,7 ميلليون باستى قۇرادى. جىلقى سانى دا ٶسٸپ, 228,9 مىڭ باسقا جەتتٸ. ەت ٶندٸرٸسٸ 190,2 مىڭ تونناعا دەيٸن ٶستٸ, بۇل ٶتكەن جىلمەن سالىستىرعاندا 14,6%-عا جوعارى كٶرسەتكٸش. سٷت ٶندٸرٸسٸ دە تۇراقتى ٶسٸپ, 221,8 مىڭ تونناعا جەتتٸ.
اگروٶنەركەسٸپتٸڭ دامۋىنا ٷلەس قوسىپ وتىرعان تاعى بٸر ماڭىزدى باعىت — ينۆەستيتسييالىق جوبالار. بيىل جالپى قۇنى 7,1 ميلليارد تەڭگە بولاتىن 10 ٸرٸ جوبا جٷزەگە اسىرىلىپ, ونىڭ ٸشٸندە جىلىجايلار, بالىق شارۋاشىلىعى مەن مال بورداقىلاۋ كەشەندەرٸ كەڭەيتٸلدٸ. تامىز ايىندا جىلىنا 10 000 توننا بالىق ٶنٸمدەرٸن ٶندٸرۋگە قاۋقارلى “وسپانوۆادەۆەلوپمەنت” جشس ٸسكە قوسىلدى. بۇل جوباعا 2024 جىلعا ارنالعان ينۆەستيتسييا كٶلەمٸ 1,7 ميلليارد تەڭگەنٸ قۇرادى.
سپيكەردٸڭ ايتۋىنشا, سۋ رەسۋرستارىن تيٸمدٸ پايدالانۋ دا نازاردان تىس قالمادى. بيىل 38 مىڭ گەكتار جەرگە سۋ ٷنەمدەۋ تەحنولوگييالارى ەنگٸزٸلٸپ, تامشىلاتىپ جەنە جاڭبىرلاتىپ سۋارۋ جٷيەلەرٸ ارقىلى ٶنٸمدٸلٸكتٸ ارتتىرۋعا جەنە سۋ رەسۋرستارىن ٷنەمدەۋگە ەرەكشە نازار اۋدارىلدى.
سونىمەن قاتار, وبلىس شارۋالارىنا قولداۋ كٶرسەتۋ ماقساتىندا “اۋىل اماناتى” باعدارلاماسى اياسىندا 2023 جىلى 8,3 ميلليارد تەڭگە بٶلٸنٸپ, 1 090 شاعىن نەسيە بەرٸلدٸ. بۇل قاراجات اۋىل كەسٸپكەرلەرٸنە ٷلكەن سەرپٸن بەرٸپ, جاڭا جۇمىس ورىندارىن اشۋعا مٷمكٸندٸك تۋدىردى. 2024 جىلى تاعى 17,6 ميلليارد تەڭگە بٶلٸنٸپ, 2 514 شاعىن نەسيە بەرۋ جوسپارلانىپ وتىر. بۇل وبلىس تۇرعىندارىنا قوسىمشا تابىس كٶزدەرٸن اشىپ, اۋىل شارۋاشىلىعىنداعى كەسٸپكەرلٸكتٸ جاڭا دەڭگەيگە كٶتەرۋگە جول اشادى.
