Almaty oblysy aýyl sharýashylyǵynyń qarqyndy damýy el ekonomikasynyń jetekshi kúshteriniń biri ekenin taǵy da dáleldedi. Biylǵy agrarlyq maýsymda egistik alqaptarynyń kólemi azaiǵanymen, ónimdilik rekordtyq deńgeige jetip, jańa tehnologiialar men innovatsiialyq jobalardyń arqasynda salaǵa tyń serpin berildi. Bul týraly óńirlik kommýnikatsiialar qyzmetiniń aqparattyq alańynda Aýyl sharýashylyǵy basqarmasy basshysynyń orynbasary Dosjan Júzbaev málimdedi, - dep habarlaidy Dalanews.kz.
Oblystaǵy egistik kólemi 419,5 myń gektardy qurady. Qazirgi tańda óńirdegi 132 myń gektar alqaptan 357 myń tonna ónim jinaldy.
Aýyl sharýashylyǵy basqarmasynyń dereginshe, biyl eń kóp egilgen daqyl - júgeri. Ázirge 107 myń tonnadan astam júgeri jinalyp, aimaq bul salada joǵary kórsetkishke jetip otyr.
“Aýyl sharýashylyǵynda biyl jańashyl ádisterdi keńinen qoldanyp, ónimdilikti 30%-ǵa deiin arttyrýǵa qol jetkizdik. Bul -oblysymyzdyń aýyl sharýashylyǵy salasyndaǵy jetistikteriniń bir ǵana bóligi”, - dedi Dosjan Júzbaev.
Oblysta mal sharýashylyǵy salasy da aitarlyqtai damyp keledi. Iri qara mal sany 609,6 myń basqa jetse, usaq mal sany 2,7 million basty qurady. Jylqy sany da ósip, 228,9 myń basqa jetti. Et óndirisi 190,2 myń tonnaǵa deiin ósti, bul ótken jylmen salystyrǵanda 14,6%-ǵa joǵary kórsetkish. Sút óndirisi de turaqty ósip, 221,8 myń tonnaǵa jetti.
Agroónerkásiptiń damýyna úles qosyp otyrǵan taǵy bir mańyzdy baǵyt — investitsiialyq jobalar. Biyl jalpy quny 7,1 milliard teńge bolatyn 10 iri joba júzege asyrylyp, onyń ishinde jylyjailar, balyq sharýashylyǵy men mal bordaqylaý keshenderi keńeitildi. Tamyz aiynda jylyna 10 000 tonna balyq ónimderin óndirýge qaýqarly “OspanovaDevelopment” JShS iske qosyldy. Bul jobaǵa 2024 jylǵa arnalǵan investitsiia kólemi 1,7 milliard teńgeni qurady.
Spikerdiń aitýynsha, sý resýrstaryn tiimdi paidalaný da nazardan tys qalmady. Biyl 38 myń gektar jerge sý únemdeý tehnologiialary engizilip, tamshylatyp jáne jańbyrlatyp sýarý júieleri arqyly ónimdilikti arttyrýǵa jáne sý resýrstaryn únemdeýge erekshe nazar aýdaryldy.
Sonymen qatar, oblys sharýalaryna qoldaý kórsetý maqsatynda “Aýyl amanaty” baǵdarlamasy aiasynda 2023 jyly 8,3 milliard teńge bólinip, 1 090 shaǵyn nesie berildi. Bul qarajat aýyl kásipkerlerine úlken serpin berip, jańa jumys oryndaryn ashýǵa múmkindik týdyrdy. 2024 jyly taǵy 17,6 milliard teńge bólinip, 2 514 shaǵyn nesie berý josparlanyp otyr. Bul oblys turǵyndaryna qosymsha tabys kózderin ashyp, aýyl sharýashylyǵyndaǵy kásipkerlikti jańa deńgeige kóterýge jol ashady.
