2025 jyldan 2026 jylǵy 1 qyrkúiekke deiin Memlekettik áleýmettik saqtandyrý qory júktilik pen bosanýǵa bailanysty tólengen qarajattyń artyq bóligin qaitarý maqsatynda 583 alýshyǵa qatysty sotqa talap-aryz joldaǵan. Qaitarylýy tiis jalpy soma 1,4 mlrd teńge, dep habarlaidy dalanews.kz.
BAQ.KZ-tiń resmi saýalyna jaýap bergen Qor ókilderi tólemderdiń qandai jaǵdaida keri óndiriletinin jáne áleýmettik tólemderdi tekserý tetigi qalai jumys isteitinin túsindirdi.
Qor málimetine sáikes, sotqa berilgen talap-aryzdardyń 191-i áli qaralyp jatyr. Al 2026 jylǵy 1 qyrkúiektegi jaǵdai boiynsha 453 azamat artyq tólengen áleýmettik tólemniń 330,6 mln teńgesin qaitarǵan. Budan bólek, taǵy 822 mln teńge óndirip alynýy tiis.
Tólem qandai jaǵdaida qaitarylady?
Redaktsiia áleýmettik aýdarymdardy qoldan ulǵaitý, jalǵan eńbek qatynastaryn rásimdeý jáne tabysty negizsiz kórsetý faktileri boiynsha naqty statistika suraǵan. Alaida Qor mundai jaǵdailardyń basym bóligi qolma-qol tólengen jalaqyny rastaityn qujattarǵa qatysty ekenin málimdedi.
Atap aitqanda, jumys berýshiler men jeke kásipkerler usynǵan eńbek sharttary, shyǵys kassalyq orderler jáne ózge de qujattar tekserilýi múmkin. Eger áleýmettik tólem taǵaiyndalǵannan keiin azamattyń turaqty tabys alǵanyn rastaityn qujattar kúmán týdyrsa, materialdar quqyq qorǵaý organdaryna joldanady.
Qor áleýmettik tólem taǵaiyndaý úshin usynylǵan qujattardyń jalǵan nemese shynaiy ekenin anyqtaityn organ emes ekenin atap ótti. Sondyqtan kúmán týǵyzatyn derekter anyqtalǵan jaǵdaida máseleni tekserý úshin qujattar quqyq qorǵaý organdaryna beriledi.
Qylmystyq ister qozǵalǵan
Quqyq qorǵaý organdary jalǵan eńbek qatynastaryna bailanysty 41 qylmystyq is qozǵaǵan. Sonymen qatar áleýmettik tólemderdi zańsyz jolmen joǵary mólsherde alýǵa áreket jasaǵan tulǵalarǵa qatysty 14 sot úkimi shyqqan.
Qandai málimetter tekseriledi?
Áleýmettik kodekske sáikes, jumys berýshiler men jeke kásipkerler áleýmettik aýdarymdardy ai saiyn eseptep, kelesi aidyń 25-kúninen keshiktirmei aýdarýǵa mindetti.
Áleýmettik tólem taǵaiyndaý týraly ótinish qaralǵan kezde Qor memlekettik organdardan, uiymdardan, áleýmettik aýdarym tóleýshilerden jáne ótinish ielerinen qosymsha aqparat suratyp, málimetterdiń durystyǵyn teksere alady.
Tekserýge negiz bolatyn jaǵdailar qatarynda áleýmettik aýdarymdardyń ýaqytynda túspeýi, aýdarym kóleminiń mindetti zeinetaqy jarnalarymen sáikes kelmeýi, qujattardaǵy málimetterdiń memlekettik aqparattyq júielerdegi derekterden aiyrmashylyǵy, ártúrli óńirlerde tirkelgen birneshe jumys berýshiden bir kezeńde aýdarymdardyń túsýi jáne áiel adamnyń júktilik boiynsha esepke turǵanǵa deiin áleýmettik aýdarymdarynyń bolmaýy bar.
Sot sheshimine shaǵym túsken
Artyq tólengen qarajatty óndirýge qatysty azamattyq ister boiynsha eki alýshy sot sheshimine apelliatsiialyq shaǵym bergen. Onyń birinde taraptar mediativtik kelisimge kelip,
