2025 جىلدان 2026 جىلعى 1 قىركٷيەككە دەيٸن مەملەكەتتٸك ەلەۋمەتتٸك ساقتاندىرۋ قورى جٷكتٸلٸك پەن بوسانۋعا بايلانىستى تٶلەنگەن قاراجاتتىڭ ارتىق بٶلٸگٸن قايتارۋ ماقساتىندا 583 الۋشىعا قاتىستى سوتقا تالاپ-ارىز جولداعان. قايتارىلۋى تيٸس جالپى سوما 1,4 ملرد تەڭگە, دەپ حابارلايدى dalanews.kz.
BAQ.KZ-تٸڭ رەسمي ساۋالىنا جاۋاپ بەرگەن قور ٶكٸلدەرٸ تٶلەمدەردٸڭ قانداي جاعدايدا كەرٸ ٶندٸرٸلەتٸنٸن جەنە ەلەۋمەتتٸك تٶلەمدەردٸ تەكسەرۋ تەتٸگٸ قالاي جۇمىس ٸستەيتٸنٸن تٷسٸندٸردٸ.
قور مەلٸمەتٸنە سەيكەس, سوتقا بەرٸلگەن تالاپ-ارىزداردىڭ 191-ٸ ەلٸ قارالىپ جاتىر. ال 2026 جىلعى 1 قىركٷيەكتەگٸ جاعداي بويىنشا 453 ازامات ارتىق تٶلەنگەن ەلەۋمەتتٸك تٶلەمنٸڭ 330,6 ملن تەڭگەسٸن قايتارعان. بۇدان بٶلەك, تاعى 822 ملن تەڭگە ٶندٸرٸپ الىنۋى تيٸس.
تٶلەم قانداي جاعدايدا قايتارىلادى?
رەداكتسييا ەلەۋمەتتٸك اۋدارىمداردى قولدان ۇلعايتۋ, جالعان ەڭبەك قاتىناستارىن رەسٸمدەۋ جەنە تابىستى نەگٸزسٸز كٶرسەتۋ فاكتٸلەرٸ بويىنشا ناقتى ستاتيستيكا سۇراعان. الايدا قور مۇنداي جاعدايلاردىڭ باسىم بٶلٸگٸ قولما-قول تٶلەنگەن جالاقىنى راستايتىن قۇجاتتارعا قاتىستى ەكەنٸن مەلٸمدەدٸ.
اتاپ ايتقاندا, جۇمىس بەرۋشٸلەر مەن جەكە كەسٸپكەرلەر ۇسىنعان ەڭبەك شارتتارى, شىعىس كاسسالىق وردەرلەر جەنە ٶزگە دە قۇجاتتار تەكسەرٸلۋٸ مٷمكٸن. ەگەر ەلەۋمەتتٸك تٶلەم تاعايىندالعاننان كەيٸن ازاماتتىڭ تۇراقتى تابىس العانىن راستايتىن قۇجاتتار كٷمەن تۋدىرسا, ماتەريالدار قۇقىق قورعاۋ ورگاندارىنا جولدانادى.
قور ەلەۋمەتتٸك تٶلەم تاعايىنداۋ ٷشٸن ۇسىنىلعان قۇجاتتاردىڭ جالعان نەمەسە شىنايى ەكەنٸن انىقتايتىن ورگان ەمەس ەكەنٸن اتاپ ٶتتٸ. سوندىقتان كٷمەن تۋعىزاتىن دەرەكتەر انىقتالعان جاعدايدا مەسەلەنٸ تەكسەرۋ ٷشٸن قۇجاتتار قۇقىق قورعاۋ ورگاندارىنا بەرٸلەدٸ.
قىلمىستىق ٸستەر قوزعالعان
قۇقىق قورعاۋ ورگاندارى جالعان ەڭبەك قاتىناستارىنا بايلانىستى 41 قىلمىستىق ٸس قوزعاعان. سونىمەن قاتار ەلەۋمەتتٸك تٶلەمدەردٸ زاڭسىز جولمەن جوعارى مٶلشەردە الۋعا ەرەكەت جاساعان تۇلعالارعا قاتىستى 14 سوت ٷكٸمٸ شىققان.
قانداي مەلٸمەتتەر تەكسەرٸلەدٸ?
ەلەۋمەتتٸك كودەكسكە سەيكەس, جۇمىس بەرۋشٸلەر مەن جەكە كەسٸپكەرلەر ەلەۋمەتتٸك اۋدارىمداردى اي سايىن ەسەپتەپ, كەلەسٸ ايدىڭ 25-كٷنٸنەن كەشٸكتٸرمەي اۋدارۋعا مٸندەتتٸ.
ەلەۋمەتتٸك تٶلەم تاعايىنداۋ تۋرالى ٶتٸنٸش قارالعان كەزدە قور مەملەكەتتٸك ورگانداردان, ۇيىمداردان, ەلەۋمەتتٸك اۋدارىم تٶلەۋشٸلەردەن جەنە ٶتٸنٸش يەلەرٸنەن قوسىمشا اقپارات سۇراتىپ, مەلٸمەتتەردٸڭ دۇرىستىعىن تەكسەرە الادى.
تەكسەرۋگە نەگٸز بولاتىن جاعدايلار قاتارىندا ەلەۋمەتتٸك اۋدارىمداردىڭ ۋاقىتىندا تٷسپەۋٸ, اۋدارىم كٶلەمٸنٸڭ مٸندەتتٸ زەينەتاقى جارنالارىمەن سەيكەس كەلمەۋٸ, قۇجاتتارداعى مەلٸمەتتەردٸڭ مەملەكەتتٸك اقپاراتتىق جٷيەلەردەگٸ دەرەكتەردەن ايىرماشىلىعى, ەرتٷرلٸ ٶڭٸرلەردە تٸركەلگەن بٸرنەشە جۇمىس بەرۋشٸدەن بٸر كەزەڭدە اۋدارىمداردىڭ تٷسۋٸ جەنە ەيەل ادامنىڭ جٷكتٸلٸك بويىنشا ەسەپكە تۇرعانعا دەيٸن ەلەۋمەتتٸك اۋدارىمدارىنىڭ بولماۋى بار.
سوت شەشٸمٸنە شاعىم تٷسكەن
ارتىق تٶلەنگەن قاراجاتتى ٶندٸرۋگە قاتىستى ازاماتتىق ٸستەر بويىنشا ەكٸ الۋشى سوت شەشٸمٸنە اپەللياتسييالىق شاعىم بەرگەن. ونىڭ بٸرٸندە تاراپتار مەدياتيۆتٸك كەلٸسٸمگە كەلٸپ,
