Jambyl oblysynda túngi ýaqytta kólikpen drift jasap, ainaladaǵy adamdarǵa qaýip tóndirgen 22 jastaǵy júrgizýshi bes táýlikke qamaldy. Bul týraly oblystyq Politsiia departamenti málimdedi, dep habarlaidy dalanews.kz.
Quqyq buzýshylyq Jedel basqarý ortalyǵynyń beinebaqylaý kameralaryna túsip qalǵan. Ortalyq mamandarynyń málimeti boiynsha tártip saqshylary kóliktiń júrgen baǵytyn anyqtap, júrgizýshini kóp uzamai ustaǵan.
Politsiia ókilderiniń aitýynsha, azamat túngi tynyshtyqty buzyp, qaýipti manevrler jasaǵany úshin ákimshilik jaýapkershilikke tartyldy.
Sot sheshimimen oǵan bes táýlikke ákimshilik qamaý jazasy taǵaiyndaldy. Politsiia turǵyndardy qoǵamdyq tártip pen jol qozǵalysy qaýipsizdigi talaptaryn saqtaýǵa shaqyrdy.
