- ۋچاسكەلەر قالا شەگىندە ورنالاسقان جانە ەلدى مەكەن جەرلەرىنە تيەسىلى بولعان؛

- باۋ-باقشا سەرىكتەستىكتەرىندەگى تالاپ قويۋقىلار جەر تەلىمدەرىن كۇتىپ-باپتاۋ جانە مۇشەلىك جارنالاردى تولەۋ اۋىرتپالىعىن كوتەردى جانە كوتەرەدى.

 

سوت باۋ-باقشا جشس-دە جەر ۋچاسكەلەرىنىڭ شەكاراسىنىڭ بولماۋى تالاپ قويۋشىلاردىڭ ۋچاسكەلەرگە مەنشىك قۇقىعىن الۋ قۇقىقتارىن جۇزەگە اسىرۋىنا ەشبىر جاعدايدا كەدەرگى كەلتىرمەيدى دەپ سانادى. سوندىقتان 7 تالاپ قويۋشىنىڭ تالاپ قويۋلارى تولىق قاناعاتتاندىرىلىپ، ءوز تاراپىنان اكىمدىكتىڭ قاۋلىسى زاڭسىز دەپ تانىلدى.

 

سوت اكىمدىككە سوت شەشىمى زاڭدى كۇشىنە ەنگەن كۇننەن باستاپ 10 جۇمىس كۇنى ىشىندە تالاپ قويۋشىلاردىڭ بۇزىلعان قۇقىقتارىن قالپىنا كەلتىرىپ، جەر تەلىمدەرىن بەرۋدى مىندەتتەدى.

 

2ء-شى ءىس ماتەريالدارى بويىنشا، ەكى تالاپ قويۋشى ۋاقىتشا وتەۋلى قىسقا مەرزىمدى جەر پايدالانۋ قۇقىعىمەن جەر تەلىمدەرىن يەلەنەدى. بۇل ۋچاسكەلەردە تىركەلگەن عيماراتتار ورنالاسقان.

 

سوت انىقتاعان ءىستىڭ ءمان-جايىنان شىعاتىنى، بۇل ەكى تالاپ قويۋشى جاڭا اۋىل شارۋاشىلىعى جەر تەلىمدەرىن ەمەس، ولارعا بۇرىن بەرىلگەن، ت.ب. ناقتى مەنشىگىندەگىلەردى تالاپ ەتىپ وتىر. سوندىقتان سوت بۇل ەكى تالاپ قويۋشىنىڭ تالاپتارىن قاناعاتتاندىرىپ، اكىمدىككە ارىزدارىن قايتا قاراۋدى مىندەتتەدى. قالعان 6 تالاپ قويۋشىنىڭ تالاپتارى قاناعاتتاندىرۋسىز قالدىرىلدى. ەكى سوت شەشىمى دە زاڭدى كۇشىنە ەندى.

 

الايدا، اكىمدىك (جاۋاپكەر) سوت شەشىمدەرىن ۋاقىتىندا ورىنداماعان. ارپك-نىڭ 127-بابىنا سايكەس ول پروسەستىك ماجبۇرلەۋ شاراسىنا – اقشالاي ايىپپۇل سالۋعا اكەپ سوعادى. ءمااس-ى تاراپىنان سوت شەشىمدەرىن ورىنداماعانى ءۇشىن ورال قالاسىنىڭ اكىمىنە ءاربىر ءىس بويىنشا 369 مىڭ تەڭگەگە جۋىق اقشالاي (50 اەك) ايىپپۇل سالىندى.

 

ءبىراق، سالىنعان اقشالاي جازاعا قاراماستان، جاۋاپكەر ەكىنشى اكىمشىلىك ءىس بويىنشا سوت شەشىمىن ورىنداماعان. وسىعان وراي، اكىمدىككە 221 مىڭ تەڭگە (60 اەك) كولەمىندە قايتالاپ اقشالاي ايىپپۇل سالىندى. سوت قاۋلىلارى زاڭدى كۇشىنە ەنگەن جوق.